باستى بەت
جاڭالىقتار
قازاقستان تاريحشىلارىنىڭ قۇرىلتايىنا 300-دەن اسا عالىم جينالدى

قازاقستان تاريحشىلارىنىڭ قۇرىلتايىنا 300-دەن اسا عالىم جينالدى

25.01.2025

4782

https://adyrna.kz/content/uploads/2025/01/foto-erlan-قarin.jpg

بۇگىن استانا قالاسىندا قازاقستان تاريحشىلارى ۇلتتىق كونگرەسىنىڭ فورۋمى ءوتتى. وعان مەملەكەتتىك كەڭەسشى ەرلان قارين قاتىستى. القالى جيىندا ەلىمىزدەگى عىلىمي قاۋىمداستىقتىڭ 300 وكىلى، ونىڭ ىشىندە تاريحشى-زەرتتەۋشىلەر، جوعارى وقۋ ورىندارىنىڭ وقىتۋشىلارى، سونداي-اق قوعام قايراتكەرلەرى مەن بۇقارالىق اقپارات قۇرالدارىنىڭ وكىلدەرى باس قوستى.
فورۋمنىڭ پلەنارلىق وتىرىسىندا جانە جەتى جۇمىس سەكتسياسىندا ارحەولوگيا، ەتنوگرافيا، ەتنولوگيا، تاريحي گەوگرافيا سالالارىنداعى جاڭالىقتاردى تالداۋ، جۇيەلەۋ جانە عىلىمي اينالىمعا ەنگىزۋ ماسەلەلەرى قاراستىرىلدى. سونىمەن قاتار قازاقستان زەرتتەۋشىلەرىنىڭ شەتەل مۇراعاتتارىندا، مۋزەيلەرىندە جانە كىتاپحانا قورلارىندا جۇرگىزگەن زەرتتەۋلەرىنىڭ ناتيجەلەرى قارالدى. باسقوسۋدىڭ باستى تاقىرىبىنىڭ ءبىرى «قازاقستان تاريحى: ەجەلگى داۋىردەن بۇگىنگە دەيىن» اتتى جاڭا اكادەميالىق باسىلىمدى دايىنداۋ بارىسىن تالقىلاۋ بولدى. بۇل جوباعا بەس عىلىمي زەرتتەۋ ينستيتۋتى جانە ەلىمىزدىڭ 250-دەن استام عالىمى جۇمىلدىرىلدى. مەملەكەتتىك كەڭەسشى ءوز سوزىندە تاريحشىلاردىڭ ۇلتتىق كونگرەسى ەلىمىزدەگى تاريح عىلىمىن دامىتۋ تۇرعىسىنان زور ماڭىزعا يە ەكەنىن اتاپ ءوتتى. سونداي-اق ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا جۇمىسىنىڭ ناتيجەسى جانە قازاقستان تاريحىنىڭ جەتى تومدىق باسىلىمىن دايىنداۋ بارىسى تۋرالى باياندادى. ەرلان قارين سوڭعى جىلدارى عىلىمي اينالىمعا ەنگىزىلگەن ارحەولوگيالىق ولجالار مەن ارحيۆتىك قۇجاتتار ۇلتىمىزدىڭ تاريحىن نەعۇرلىم ءبىرتۇتاس ءارى كەڭ اۋقىمدا قابىلداۋ قاجەتتىگىن ايعاقتايدى دەپ اتاپ ءوتتى.«قازاقستان – كوشپەندىلەردىڭ ەجەلگى مەملەكەتتىك قۇرىلىمدارىنىڭ بەسىگى جانە ءبىر كەزدەگى قۋاتتى ەلدەر مەن يمپەريالاردىڭ مۇراگەرى عانا ەمەس، سونىمەن قاتار تۇتاس كوشپەندىلەر وركەنيەتىنىڭ وشاعى مەن ورتالىعى. سوندىقتان ۇلتتىق تاريح عىلىمىنىڭ مىندەتى – حالقىمىزدىڭ تاريحىنا وركەنيەت پاراديگماسى تۇرعىسىنان اۋقىمدىراق جانە كەڭىرەك قاراۋ، ونى وسى ۇستانىم بويىنشا دارىپتەۋ»، – دەدى مەملەكەتتىك كەڭەسشى.فورۋمعا قاتىسۋشىلار ءسوز سويلەپ، ەجەلگى داۋىردەن بۇگىنگە دەيىنگى قازاقستان تاريحىنا قاتىستى كوپتومدىق اكادەميالىق باسىلىمدى ازىرلەۋ جۇمىستارىنا جوعارى باعا بەردى. سونداي-اق ارحەولوگيالىق جانە تاريحي-مادەني ەسكەرتكىشتەردى زەرتتەۋ اۋقىمىن كەڭەيتۋ، مۇراعات پەن ايماقتانۋ ءىسىن ودان ءارى دامىتۋ، وقۋلىقتاردى جانە تاريحتى وقىتۋ ادىستەمەسىن جەتىلدىرۋ قاجەتتىگىنە توقتالدى.

ۇقساس جاڭالىقتار