قازاقستاندا دارىگەرلەرگە كاسىبي قاتەلىكتەرى ءۇشىن جازانى جەڭىلدەتۋى مۇمكىن. قر دەنساۋلىق ساقتاۋ مينيسترلىگى دارىگەرلەردى قورعاۋ ماقساتىندا زاڭ جوباسىن ازىرلەۋدە، دەپ حابارلايدى “ادىرنا” ۇلتتىق پورتالى.
دەنساۋلىق ساقتاۋ ءمينيسترى اجار گينياتتىڭ ايتۋىنشا، بۇل جەڭىلدىك دارىگەرلەردى قىلمىستىق جاۋاپكەرشىلىكتەن بوساتپايدى.
"نورما مەديتسينا قىزمەتكەرلەرىن زيان كەلتىرگەنى ءۇشىن قىلمىستىق جاۋاپكەرشىلىكتەن بوساتپايدى. زاڭنىڭ كەيبىر نورمالارى جەڭىلدەتىلۋدە. زاڭ جوباسى ءبىر اي ىشىندە ماجىلىسكە جىبەرىلەدى", - دەدى مينيستر ءباسپاسوز ءماسليحاتىندا.
ونىڭ ايتۋىنشا، زاڭ جوباسى مىنالاردى كوزدەيدى:
- قىلمىستىق نورمالاردى گۋمانيزاتسيالاۋ، اتاپ ايتقاندا، جازانى جەڭىلدەتۋ، سوتتىڭ قاراۋى ءۇشىن باس بوستاندىعىن شەكتەۋگە بالاما ەنگىزۋ ارقىلى باس بوستاندىعىنان ايىرۋ مەرزىمىن قىسقارتۋ;
- مەديتسينالىق قىزمەتكەرلەرگە كەپىلدىكتەر مەن الەۋمەتتىك قولداۋ كورسەتۋگە، ولاردىڭ مارتەبەسىن ارتتىرۋعا قاتىستى نورمالار - بىرجولعى ىنتالاندىرۋ تولەمىن تولەي وتىرىپ، "قازاقستاننىڭ ەڭبەك سىڭىرگەن دارىگەرى" قۇرمەتتى اتاعىن بەلگىلەۋ.
“ادىرنا” ۇلتتىق پورتالى
