قازاقستاندىق عالىمدار جارانى جازاتىن بيوماتەريال ويلاپ تاپتى

3420
Adyrna.kz Telegram
فوتو: cdmed.ru
فوتو: cdmed.ru
قازاقستاننىڭ عالىمدارى كۇيگەن جانە تروفيكالىق جارالاردى ەمدەيتىن بيولوگيالىق ماتەريالدى ويلاپ تاپتى. ونى ءىرى قارا مالدىڭ كوكشاندىرىنان جاساپ، الماتى جانە قاراعاندى قالالارىنىڭ مەديتسينالىق مەكەمەلەرىندە سىناقتان وتكىزدى، دەپ حابارلايدى “ادىرنا” ۇلتتىق پورتالى  "حابار 24" ارناسىنا سىلتەمە جاساپ.
بيولوگيالىق ماتەريالدى جاساۋعا جانە سىناقتان وتكىزۋگە ون جىلدان استام ۋاقىت كەتكەن. ول تابيعي كوللاگەن مەن ەلاستين تالشىقتارىنان تۇرادى جانە قۇرامى جاعىنان ادام تەرىسىنە جاقىن. ونىڭ كومەگىمەن تروفيكالىق جارالاردى، سونداي-اق، I جانە II دەڭگەيدەگى كۇيىكتەردى ەمدەۋگە بولادى.
"بۇل يدەيا 2011 جىلى پايدا بولدى. 2012 جىلى بىزگە ءبىلىم جانە عىلىم مينيسترلىگى تاراپىنان گرانت بەرىلدى. ال ەكى جىلدان كەيىن جوبامىزدى ءساتتى ىسكە اسىردىق. ارتىنان كلينيكالىق زەرتتەۋلەردى باستاپ كەتتىك", - دەيدى پروفەسسور ۆياچەسلاۆ وگاي.
سيىردىڭ كوكشاندىرىن بيوماتەريالعا اينالدىرۋ ءۇشىن ونى بىرنەشە رەت وڭدەيدى. الدىمەن مەحانيكالىق وڭدەۋ جاسالادى. سول كەزدە ۇلكەن قان تامىرلارى مەن مايدى الىپ تاستادى. ودان كەيىن بىرنەشە بولىككە كەسەدى. ولشەمى – 10/10 سم. وڭدەۋدىڭ ەكىنشى ساتىسىندا جانۋار جاسۋشالارى مەن دنك-نى الىپ تاستايدى. وسىنىڭ ءبارىن جاساۋ ءۇشىن ەكى اپتاداي ۋاقىت قاجەت.
"بىزدە ارنايى رەاكتيۆتەر بار. ونىمەن جاسۋشالاردى شىعارامىز. ودان كەيىن دنك-سىن الىپ تاستايمىز. سوسىن بىرنەشە رەت تازالايمىز، جۋامىز جاەن يادرولىق فيزيكا ينستيتۋتىنا اپارامىز. ول جەردە بەتا-ساۋلەمەن وڭدەيدى", - دەپ اتاپ كورسەتتى عالىم اسەل يسابەكوۆا.
بيوماتەريالدى كۇيىك پەن جارانى ەمدەۋگە عانا ەمەس، پلاستيكالىق حيرۋرگيا مەن ءتىس يمپلانتولوگياسىدا قولدانۋعا بولادى. كلينيكالىق زەرتتەۋلەر الماتى مەن قاراعاندىنىڭ مەديتسينالىق مەكەمەلەرىندە ءوتتى. بيوماتەريال I جانە II دەڭگەيدەگى كۇيىكتەرى بار 120 پاتسيەنتكە سالىندى.
قازىرگى كەزدە تىركەۋ شارالارى باستالدى. ال عالىمدار حالىقارالىق عىلىمي جۋرنالدارعا ماقالا دايىنداۋعا كىرىستى.
ادىرنا” ۇلتتىق پورتالى
پىكىرلەر