قوستانايدا «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» وڭىرلىك كواليتسيا مۇشەلەرى وبلىستىق اۋرۋحانا قىزمەتكەرلەرىمەن مازمۇندى كەزدەسۋ وتكىزدى. ءىس-شارا ەركىن پىكىر الماسۋ جانە اشىق ديالوگ فورماتىندا ۇيىمداستىرىلىپ، ءاربىر قاتىسۋشىعا مەملەكەتىمىزدىڭ دامۋ باعىتتارىنا قاتىستى ءوز ويىن ورتاعا سالۋعا جانە كوكەيكەستى ساۋالدارىنا جاۋاپ الۋعا مۇمكىندىك بەردى.
كەزدەسۋ سپيكەرلەرى — كواليتسيا مۇشەلەرى تاتيانا بۋلگاتسەۆيچ پەن گۇلميرا دامباۋلوۆا جاڭا كونستيتۋتسيا جوباسىنىڭ نەگىزگى ەرەجەلەرىنە تەرەڭ تالداۋ جاساپ، ۇسىنىلىپ وتىرعان وزگەرىستەردىڭ باستى ماقساتى — ادىلدىك، زاڭدىلىق پرينتسيپتەرىن نىعايتۋ جانە مەملەكەتتىڭ ازاماتتار الدىنداعى جاۋاپكەرشىلىگىن ارتتىرۋ ەكەنىن ەرەكشە اتاپ ءوتتى. رەفەرەندۋمدا توبە كورسەتىپ، داۋىس بەرۋ ءاربىر ازاماتتىڭ بارىزى دەپ باسا ايتتى تاتيانا بۋلگاتسەۆيچ.
«رەفەرەندۋم — بۇل ارقايسىمىز ءۇشىن ەل بولاشاعىنا تىكەلەي اسەر ەتۋدىڭ بىرەگەي مۇمكىندىگى. ءبىز تەك داۋىس بەرىپ قانا قويماي، ءوزىمىزدىڭ ازاماتتىق ۇستانىمىمىزدى ءبىلدىرۋىمىز قاجەت. ورتاق ءۇيىمىز — قازاقستاننىڭ ەرتەڭى ءاربىر ازاماتتىڭ تاڭداۋىنا بايلانىستى. سوندىقتان 15 ناۋرىز كۇنى بىرلىگىمىزدى تانىتىپ، ماڭىزدى شەشىم قابىلداۋعا اتسالىسۋ — بارشامىزدىڭ ورتاق پارىزىمىز»- دەدى ول.
رەفورمالاردىڭ الەۋمەتتىك باعىتى، اتاپ ايتقاندا، ادام قۇقىقتارىن قورعاۋ، وتباسى ينستيتۋتىن قولداۋ جانە ءاربىر قازاقستاندىقتىڭ الەۋەتىن ىسكە اسىرۋى ءۇشىن تەڭ مۇمكىندىكتەر جاساۋ ماسەلەلەرىنە باسىمدىق بەرىلدى. كوالتسيا مۇشەسى گۇلميرا دامباۋلوۆا تالقىلاۋ بارىسىندا جاڭا كونستيتۋتسيا جوباسى دەنساۋلىق ساقتاۋ جۇيەسىن جەتىلدىرۋگە، مەديتسينالىق قىزمەتتەردىڭ ساپاسىن ارتتىرۋعا جانە سالا ماماندارىنىڭ الەۋمەتتىك جاعدايىن جاقسارتۋعا بەرىك قۇقىقتىق نەگىز قالايتىنى ايتىلدى.
«جاڭا كونستيتۋتسيا — بۇل جاي عانا زاڭدار جيىنتىعى ەمەس، بۇل ادىلەتتى قوعامنىڭ جاڭا كەلىسىمى. وندا ءاربىر قازاقستاندىقتىڭ، ءاربىر وتباسىنىڭ مۇددەسى قورعالعان. ءبىز ادامنىڭ قادىر-قاسيەتى بارىنەن بيىك تۇراتىن مەملەكەت قۇرىپ جاتىرمىز»، — دەپ اتاپ ءوتتى كواليتسيا مۇشەسى.
اق حالاتتى ابزال جاندار ۇسىنىلعان باستامالارعا قاتىستى كاسىبي كوزقاراستارىن ءبىلدىرىپ، پىكىر الماسۋعا بەلسەنە قاتىستى. ءوزارا سەنىم مەن جاۋاپكەرشىلىك جاعدايىندا وتكەن بۇل كەزدەسۋ ەلىمىزدىڭ جارقىن بولاشاعىن قالىپتاستىرۋ جولىنداعى سىندارلى قوعامدىق ديالوگتىڭ ماڭىزدى كەزەڭى بولدى.
