ەلىمىزدە بارلىق كارانتيندىك شەكتەۋ شاراسى الىنىپ تاستالدى. بۇل تۋرالى دەنساۋلىق ساقتاۋ ءمينيسترى اجار عينيات ايتتى، دەپ حابارلايدى «ادىرنا» ءتىلشىسى.
مينيستر ورتالىق كوممۋنيكاتسيالار قىزمەتىنىڭ الاڭىندا وتكەن ءباسپاسوز ءماسليحاتىندا قازاقستانداعى ەپيدەميولوگيالىق جاعدايدىڭ تۇراقتانعانىن جەتكىزدى.
«تاۋلىگىنە كوروناۆيرۋس ينفەكتسياسىمەن شامامەن ونشاقتى جاعدايى تىركەلەدى، ناۋقاستاردىڭ 98%-دان استامى ساۋىعىپ كەتتى. قازىر ەلدە بارلىق شەكتەۋ شارالارى الىنعان. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا سوڭعى اپتادا بۇكىل الەمدە اۋرۋ 12%-عا تومەندەدى»،– دەدى ول.
