تالعار اۋدانىنداعى "قۇرمەت" وردەنىنىڭ يەگەرى، زەينەتكەر ءبىر بوتەلكە جاعارماي كوتەرىپ كەلىپ، اكىمدىك عيماراتى الدىندا جالعىز ءوزى پيكەتكە شىقتى. ول ءوزىن ورتەپ جىبەرگىسى كەلدى، دەپ حابارلايدى "ادىرنا" ۇلتتىق پورتالى "orda.kz"-كە سىلتەمە جاساپ.
باقتىعالي ايجىگىتوۆكە الماتى وبلىسى اكىمدىگى قوقىس وڭدەۋ زاۋىتىن سالۋعا جەر بەرگەن. دەگەنمەن بەرىلگەن جەر قاۋىپتى قوقىس الاڭى بولىپ شىققاندىقتان، ەندى ول ءجاي زەينەتكەردەن قاسكوي زاڭ بۇزۋشىعا اينالدى.
تالعار قالاسىنىڭ بەلسەندىسى كلارا حاسانوۆا ايجىگىتوۆتىڭ تالعار اۋدانىنىڭ اكىمى مەن ءماسليحات دەپۋتاتتارى تاراپىنان ورىنسىز قۋدالانعانىن ايتادى. سول سەبەپتى دە زەينەتكەر تالدىقورعاندا جەكە پيكەت وتكىزگەن. ونىڭ قولىندا ءبىر بوتەلكە بەنزينى بولعان، ونى «اكىمدىكتەگىلەردىڭ بىرى قولىنان قاعىپ العان».
تالعار اۋدانىنىڭ اكىمى قايدار ءابدىحانوۆتىڭ ايجىگىتوۆتى سوتقا بەرگەنى حابارلاندى. شاماسى، كەزدەسۋ ءوتىپ كەتكەن سياقتى.
«اكىم قارسىلىق بىلدىرگەن ادامداردى سوتقا بەرەدى. كەلەسى جاۋاپتى – مەن. سوتقا بارماس بۇرىن مەن دە جوعارىداعىلاردىڭ ەستۋى ءۇشىن وسىنداي قادامعا بارامىن»،- دەپ جازدى كلارا حاسانوۆا Facebook پاراقشاسىندا.
"ادىرنا" ۇلتتىق پورتالى.
