Talǵar aýdanyndaǵy "Qurmet" ordeniniń ıegeri, zeınetker bir bótelke jaǵarmaı kóterip kelip, ákimdik ǵımaraty aldynda jalǵyz ózi pıketke shyqty. Ol ózin órtep jibergisi keldi, dep habarlaıdy "Adyrna" ulttyq portaly "orda.kz"-ke silteme jasap.
Baqtyǵalı Aıjigitovke Almaty oblysy ákimdigi qoqys óńdeý zaýytyn salýǵa jer bergen. Degenmen berilgen jer qaýipti qoqys alańy bolyp shyqqandyqtan, endi ol jáı zeınetkerden qaskóı zań buzýshyǵa aınaldy.
Talǵar qalasynyń belsendisi Klara Hasanova Aıjigitovtiń Talǵar aýdanynyń ákimi men máslıhat depýtattary tarapynan orynsyz qýdalanǵanyn aıtady. Sol sebepti de zeınetker Taldyqorǵanda jeke pıket ótkizgen. Onyń qolynda bir bótelke benzıni bolǵan, ony «ákimdiktegilerdiń biri qolynan qaǵyp alǵan».
Talǵar aýdanynyń ákimi Qaıdar Ábdihanovtyń Aıjigitovti sotqa bergeni habarlandy. Shamasy, kezdesý ótip ketken sııaqty.
«Ákim qarsylyq bildirgen adamdardy sotqa beredi. Kelesi jaýapty – men. Sotqa barmas buryn men de joǵarydaǵylardyń estýi úshin osyndaı qadamǵa baramyn»,- dep jazdy Klara Hasanova Facebook paraqshasynda.
"Adyrna" ulttyq portaly.