ء“وزىمىزدى جارىلقاپ الايىق”: زايسان تۇرعىندارى قىتايعا گاز ساتۋدى توقتاتۋدى تالاپ ەتتى

1641
فوتو: facebook.com
فوتو: facebook.com

شىعىس قازاقستان وبلىسىنىڭ زايسان اۋدانىندا گاز ماسەلەسى تالقىعا ءتۇستى. حالىق بيلىكتەن گازدى قىتايعا ساتۋدى توقتاتۋ كەرەك دەگەن تالاپ قويعان. ويتكەنى، بۇعان دەيىن توقتاتىلعان ەكسپورت قايتا جۇمىسىن باستاپتى، دەپ حابارلايدى “ادىرنا” ۇلتتىق پورتالى “حابار 24” تەلەارناسىنا سىلتەمە جاساپ.

ارنانىڭ حابارلاۋىنشا، حالىق زايسانداعى مادەنيەت ۇيىندە جينالعان. ايتۋلارىنشا، 9 جىلعا جەتەتىن قوردى شەتەلگە ساتۋ دۇرىس ەمەس.

«اۋىلدارعا نەگە بەرمەسكە، ءىشىمىز اشيتىنى، الدىمەن ءوزىمىزدى جارىلقاپ الۋىمىز كەرەك، ءوز اۋدانىمىزدى، كورشى تارباعاتاي بار، كۇرشىم، اياگوز، سەمەي بار، ءبارى تۇتىنگە قامالىپ كومىر جاعىپ وتىر»،- دەيدى زايسان اۋدانىنىڭ تۇرعىنى داۋلەتبەك مۇحيانوۆ. 

شىعىستاعى جالعىز گاز وندىرەتىن سارىبۇلاق كەن ورنىندا مامىردىڭ باسىنا دەيىن 3,5 ملرد تەكشە مەتر گاز وندىرىلگەن. تاعى 1,5 ملرد تەكشە مەتر قور قالعان. وسى ۋاقىتقا دەيىن وندىرىلگەن گازدىڭ 95 پايىزىن قىتاي ەلىنە ساتقان. جەرگىلىكتى تۇرعىندار 8 جىل يگەرىلگەن گازدىڭ 100 ملن تەكشە مەترىن قولدانعان.

2022 جىلى گاز ەكسپورتى توقتاتىلعان. الايدا تارباعاتاي مۇناي كومپانياسى ۇكىمەتتەن تاعى 150 ملن تەكشە مەتردى قىتايعا ەكسپورتتاۋعا رۇقسات سۇراعان. مينيسترلىك سۇراۋدىڭ جارتىسىنا رۇقسات بەرگەن. جاقىندا قالعان گاز قايتا ەكسپورتتالا باستاعان. گاز ءوندىرۋشى كومپانيا ءوز ارەكەتىن شىعىنداردى جابۋ ءۇشىن كەرەك ەكەنىمەن ءتۇسىندىردى.

«بىزگە ءوزىمىزدىڭ جۇمىستاردى جالعاستىرۋعا قاجەت، ماسەلەن، قانداي جۇمىستار ءۇشىن؟ ماسەلەن، ەڭ ءبىرىنشى گازدى ءوندىرۋ جۇمىسىن جالعاستىرۋعا، وپەراتسيالىق شىعىندار ءۇشىن كەرەك»، - دەيدى «تارباعاتاي مۇناي» جشس باس ديرەكتورىنىڭ ورىنباسارى ارمان قۇلجانوۆ. 

جينالعان قاۋىم كومپانياعا قارىزدارىنان ءوز بەتىنشە قۇتىلسىن، گازدى ەكسپورتتاۋدى توقتاتسىن دەپ تالاپ قويدى. تۇرعىنداردىڭ تالاپتارى جارتىلاي قاناعاتتاندىرىلىپ، گاز ەكسپورتتاۋ ۋاقىتشا توقتاتىلاتىن بولدى.

«مينيسترلىك تاراپىنان 3 باعىتتا جۇمىس ىستەپ جاتىرمىز +05.22.02 ءبىرىنشى باعىت قازىر رەسەي تاراپىمەن ءجۇرىپ جاتىر، رەسەي تاراپىمەن كەلىسسوزدەردى باستادىق. +22.41 ەكىنشى باعىت سارىارقا قۇبىرى سالىنىپ بولدى. نۇرسۇلتانعا جەتتى. قازىرگى ۋاقىتتا تەمىرتاۋ، پاۆلودار، وسكەمەنگە تارتۋعا ەسەپتەۋلەر جۇرگىزىلىپ جاتىر +22.54 ءۇشىنشى باعىت سۇيىتىلعان تابيعي گاز دەگەن بار» دەيدى ەنەرگەتيكا ءمينيسترىنىڭ ورىنباسارى اسحات قاسەنوۆ.

ارى قاراي ماسەلەنى جەرگىلىكتى كوميسسيا شەشەدى.

ادىرنا” ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket