شىعىس قازاقستان وبلىسىنداعى قورىقتاعى ءورتتى سوندىرۋگە 100-دەن استام ادام قاتىسىپ جاتىر. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
بۇگىن، 18 ماۋسىم كۇنى ساعات 14:00-دە قاتونقاراعاي اۋدانى سەننوە اۋىلىنان 3 شاقىرىم جەردە، كاتونقاراعاي ۇلتتىق تابيعي پاركىنىڭ اقسۋ فيليالىنىڭ اۋماعىندا (ۋست-يازوۆسكوە ورمان شارۋاشىلىعى، 44 ورام) ءورت شىقتى.
وقيعا ورنىندا توتەنشە جاعدايلار دەپارتامەنتىنىڭ 11 قىزمەتكەرى، 99 ادام مەن 3 بىرلىك ورمان شارۋاشىلىعى تەحنيكاسى، اۆياتسيالىق ورمان قورعاۋدان 6 ادام، جەرگىلىكتى اتقارۋشى ورگانداردان 7 ادام جۇمىس ىستەۋدە.
كەيىننەن قاتونقاراعاي ۇلتتىق تابيعي پاركىنىڭ اقسۋ فيليالى اۋماعىنداعى ءورتتىڭ وقشاۋلانعانى بەلگىلى بولدى.
شىعىس قازاقستان وبلىسىنىڭ جاڭا اكىمى ەرمەك كوشەرباەۆ ءبىر كۇن بۇرىن ءورت شىققان قورىق اۋماعىنا ۇشىپ كەتكەن بولاتىن.
ەسكە سالايىق، ءورت ريددەر قالاسىنىڭ اۋماعىندا ورنالاسقان باتىس التاي مەملەكەتتىك تابيعي قورىعىندا باستالعان.
ۇقساس جاڭالىقتار
