Shyǵys Qazaqstan oblysynyń Zaısan aýdanynda gaz máselesi talqyǵa tústi. Halyq bılikten gazdy Qytaıǵa satýdy toqtatý kerek degen talap qoıǵan. Óıtkeni, buǵan deıin toqtatylǵan eksport qaıta jumysyn bastapty, dep habarlaıdy “Adyrna” ulttyq portaly “Habar 24” telearnasyna silteme jasap.
Arnanyń habarlaýynsha, halyq Zaısandaǵy mádenıet úıinde jınalǵan. Aıtýlarynsha, 9 jylǵa jetetin qordy shetelge satý durys emes.
«Aýyldarǵa nege bermeske, ishimiz ashıtyny, aldymen ózimizdi jarylqap alýymyz kerek, óz aýdanymyzdy, kórshi Tarbaǵataı bar, Kúrshim, Aıagóz, Semeı bar, bári tútinge qamalyp kómir jaǵyp otyr»,- deıdi Zaısan aýdanynyń turǵyny Dáýletbek Muhııanov.
Shyǵystaǵy jalǵyz gaz óndiretin Sarybulaq ken ornynda mamyrdyń basyna deıin 3,5 mlrd tekshe metr gaz óndirilgen. Taǵy 1,5 mlrd tekshe metr qor qalǵan. Osy ýaqytqa deıin óndirilgen gazdyń 95 paıyzyn Qytaı eline satqan. Jergilikti turǵyndar 8 jyl ıgerilgen gazdyń 100 mln tekshe metrin qoldanǵan.
2022 jyly gaz eksporty toqtatylǵan. Alaıda Tarbaǵataı Munaı kompanııasy úkimetten taǵy 150 mln tekshe metrdi Qytaıǵa eksporttaýǵa ruqsat suraǵan. Mınıstrlik suraýdyń jartysyna ruqsat bergen. Jaqynda qalǵan gaz qaıta eksporttala bastaǵan. Gaz óndirýshi kompanııa óz áreketin shyǵyndardy jabý úshin kerek ekenimen túsindirdi.
«Bizge ózimizdiń jumystardy jalǵastyrýǵa qajet, máselen, qandaı jumystar úshin? Máselen, eń birinshi gazdy óndirý jumysyn jalǵastyrýǵa, operaııalyq shyǵyndar úshin kerek», - deıdi «Tarbaǵataı Munaı» JShS bas dırektorynyń orynbasary Arman Quljanov.
Jınalǵan qaýym kompanııaǵa qaryzdarynan óz betinshe qutylsyn, gazdy eksporttaýdy toqtatsyn dep talap qoıdy. Turǵyndardyń talaptary jartylaı qanaǵattandyrylyp, gaz eksporttaý ýaqytsha toqtatylatyn boldy.
«Mınıstrlik tarapynan 3 baǵytta jumys istep jatyrmyz +05.22.02 birinshi baǵyt qazir Reseı tarapymen júrip jatyr, Reseı tarapymen kelissózderdi bastadyq. +22.41 Ekinshi baǵyt Saryarqa qubyry salynyp boldy. Nursultanǵa jetti. Qazirgi ýaqytta Temirtaý, Pavlodar, Óskemenge tartýǵa esepteýler júrgizilip jatyr +22.54 úshinshi baǵyt suıytylǵan tabıǵı gaz degen bar» deıdi energetıka mınıstriniń orynbasary Ashat Qasenov.
Ary qaraı máseleni jergilikti komıssııa sheshedi.
“Adyrna” ulttyq portaly
