بيىل جامبىل وبلىسىندا جولداردى جاڭعىرتۋ مەن جوندەۋگە 16,2 ملرد تەڭگە بولىنەدى. بۇل تۋرالى اكىمدىكتە وتكەن جيىندا وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى باقىتجان جانىبەكوۆ باياندادى، دەپ حابارلايدى “ادىرنا” ۇلتتىق پورتالى.
وڭىردە اۆتوموبيل جولدارى مەن ەلدى مەكەن كوشەلەرىنىڭ جالپى ۇزىندىعى 10 038 شاقىرىمدى قۇرايدى. بيىل جول سالاسىنا 16,2 ملرد تەڭگە قاراستىرىلعان (ونىڭ ىشىندە 8,3 ملرد تەڭگەسى رەسپۋبليكالىق بيۋدجەتتەن).
بولىنگەن قارجى تاراز قالاسىنداعى 9,4 شاقىرىم جولدى قايتا جاڭعىرتۋعا جانە جالپى 605,2 شاقىرىمدى قۇرايتىن وبلىستىق، اۋداندىق ماڭىزى بار جولدار مەن ەلدى مەكەن كوشەلەرىن ورتاشا جوندەۋگە باعىتتالادى.
جول جوندەۋ بويىنشا بارلىعى 252 جوبا جوسپارلانعان، ولار نەگىزىنەن «نۇرلى جول»، «اۋىل – ەل بەسىگى»، «وڭىرلەردى دامىتۋ-2025» مەملەكەتتىك باعدارلامالارى جانە جەرگىلىكتى بيۋدجەتتەر شەڭبەرىندە جۇزەگە اسپاق.
«وكىنىشكە قاراي، ءبىر جولدى جوندەگەننەن كەيىن كەلەسى جىلى سول بولىكتى تاعى دا جاڭالاۋعا تۋرا كەلىپ جاتادى. بۇل مەردىگەرلەردىڭ ساپاسىز جۇمىسىنىڭ كورىنىسى. مۇنداي تاجىريبەنى توقتاتاتىن كەز كەلدى»، – دەدى وبلىس اكىمى نۇرجان نۇرجىگىتوۆ.
2025 جىلعا دەيىن جەرگىلىكتى ماڭىزى بار 1220 شاقىرىم جولدى ورتاشا جوندەۋمەن قامتۋ جوسپارلانۋدا.
سونداي-اق جيىندا قوعامدىق كولىك سالاسىنا دا كوڭىل ءبولىندى. وڭىردە 165 اۆتوبۋس مارشرۋتتارى ۇيىمداستىرىلعان، ونىڭ 19-ى وبلىسارالىق، 25-ءى اۋدانارالىق، 75 -ءى اۋدانىشىلىك جانە اۋىلىشىلىك، 42جامى-ءسى قالالىق باعىتتار بولىپ تابىلادى. بۇل باعىتتاردا 1004 اۆتوبۋس قىزمەت كورسەتەدى.
”ادىرنا” ۇلتتىق پورتالى
