Biyl Jambyl oblysynda joldardy jaŋǧyrtu men jöndeuge 16,2 mlrd teŋge bölınedı. Būl turaly äkımdıkte ötken jiynda oblystyq Jolauşylar kölıgı jäne avtomobil joldary basqarmasynyŋ basşysy Baqytjan Jänıbekov baiandady, dep habarlaidy “Adyrna” ūlttyq portaly.
Öŋırde avtomobil joldary men eldı meken köşelerınıŋ jalpy ūzyndyǧy 10 038 şaqyrymdy qūraidy. Biyl jol salasyna 16,2 mlrd teŋge qarastyrylǧan (onyŋ ışınde 8,3 mlrd teŋgesı respublikalyq biudjetten).
Bölıngen qarjy Taraz qalasyndaǧy 9,4 şaqyrym joldy qaita jaŋǧyrtuǧa jäne jalpy 605,2 şaqyrymdy qūraityn oblystyq, audandyq maŋyzy bar joldar men eldı meken köşelerın ortaşa jöndeuge baǧyttalady.
Jol jöndeu boiynşa barlyǧy 252 joba josparlanǧan, olar negızınen «Nūrly jol», «Auyl – El besıgı», «Öŋırlerdı damytu-2025» memlekettık baǧdarlamalary jäne jergılıktı biudjetter şeŋberınde jüzege aspaq.
«Ökınışke qarai, bır joldy jöndegennen keiın kelesı jyly sol bölıktı taǧy da jaŋalauǧa tura kelıp jatady. Būl merdıgerlerdıŋ sapasyz jūmysynyŋ körınısı. Mūndai täjıribenı toqtatatyn kez keldı», – dedı oblys äkımı Nūrjan Nūrjıgıtov.2025 jylǧa deiın jergılıktı maŋyzy bar 1220 şaqyrym joldy ortaşa jöndeumen qamtu josparlanuda. Sondai-aq jiynda qoǧamdyq kölık salasyna da köŋıl bölındı. Öŋırde 165 avtobus marşruttary ūiymdastyrylǧan, onyŋ 19-y oblysaralyq, 25-ı audanaralyq, 75 -ı audanışılık jäne auylışılık, 42jamy-sı qalalyq baǧyttar bolyp tabylady. Būl baǧyttarda 1004 avtobus qyzmet körsetedı.
”Adyrna” ūlttyq portaly
Ūqsas jaŋalyqtar
