شەتەلدىك ليگالارداعى ويىنشىلاردىڭ سانى بويىنشا ەلدەردىڭ رەيتينگى جاريالاندى. بالا كەزدەن اۋلا فۋتبولىن دامىتقان قازاقستان بۇل تىزىمدە جوق. ال، وزبەكستان بار، دەپ حابارلايدى “ادىرنا” ۇلتتىق پورتالى orda.kz سايتىنا سىلتەمە جاساپ.
زەرتتەۋ ەڭ تانىمال 80 قاۋىمداستىق پەن 135 فۋتبول ليگاسىنىڭ تالداۋىنا نەگىزدەلگەن.
برازيليا شەتەلدىك ليگالارداعى ويىنشىلار سانى بويىنشا كوشباسشى بولدى – بۇل ەلدىڭ شەتەلدىك چەمپيوناتتارداعى وكىلدىگى 1219 ويىنشىنى قۇرايدى. فرانتسيا 978-مەن ەكىنشى، ارگەنتينا 815-پەن ءۇشىنشى ورىندا.
قازاقستان بۇل تىزىمگە ەنگەن دە جوق، ءتىزىمنىڭ سوڭعى قاتارىندا وزبەكستان ورنالاسقان.
• 20. ۋكراينا – 186 ويىنشى
• 23. جاپونيا – 165 ويىنشى
• 25. رەسەي – 157 ويىنشى
• 29. اقش – 142 فۋتبولشى
• 61. بەلارۋس – 51 فۋتبولشى
• 65. مولدوۆا – 65 فۋتبولشى.
• 72. ليتۆا – 31 فۋتبولشى.
• 79. وزبەكستان – 25 فۋتبولشى.
ءبىر قىزىعى، قازاقستان چەمپيوناتىنىڭ (قپل) كوماندالارىندا 14 كلۋبتىڭ ساپىندا 360-قا جۋىق فۋتبولشى ونەر كورسەتەدى، ولاردىڭ 25 پايىزعا جۋىعى شەتەلدىك ويىنشىلار. ايتپاقشى، ەۋرازيالىق ەكونوميكالىق وداق ەلدەرىنىڭ ويىنشىلارى قپل-دا لەگيونەر بولىپ سانالمايدى.
بۇعان دەيىن فۋتبولدان قازاقستان قۇراماسىن قاراعاندىلىق «شاحتەردىڭ» باپكەرى ماگومەد اديەۆ جاتتىقتىراتىنى بەلگىلى بولعان.
سونىمەن قاتار، قازاقستان فۋتبول فەدەراتسياسى ەل قۇرامالارىنىڭ بارلىق اناليتيكالىق ۆەرتيكالىن قۇرۋ تاپسىرىلاتىن مامان ۆالبۋەنا راۋل كانونى جۇمىسقا الۋ تۋرالى شەشىم قابىلدادى. بۇل تۋرالى «Sportradar.kz» تەلەگرام-كانالى حابارلادى.
ۇلتتىق قۇرامانىڭ باس باپكەرى مىندەتىن بۇعان دەيىن اندرەي كارپوۆيچ اتقارسا، ونىڭ الدىندا كوماندانى تالعات بايسۋفينوۆ باسقاردى.
”ادىرنا” ۇلتتىق پورتالى
