Şeteldık ligalardaǧy oiynşylardyŋ sany boiynşa elderdıŋ reitingı jariialandy. Bala kezden aula futbolyn damytqan Qazaqstan būl tızımde joq. Al, Özbekstan bar, dep habarlaidy “Adyrna” ūlttyq portaly orda.kz saityna sılteme jasap.
Zertteu eŋ tanymal 80 qauymdastyq pen 135 futbol ligasynyŋ taldauyna negızdelgen.
Braziliia şeteldık ligalardaǧy oiynşylar sany boiynşa köşbasşy boldy – būl eldıŋ şeteldık chempionattardaǧy ökıldıgı 1219 oiynşyny qūraidy. Fransiia 978-men ekınşı, Argentina 815-pen üşınşı orynda.
Qazaqstan būl tızımge engen de joq, tızımnıŋ soŋǧy qatarynda Özbekstan ornalasqan.
• 20. Ukraina – 186 oiynşy
• 23. Japoniia – 165 oiynşy
• 25. Resei – 157 oiynşy
• 29. AQŞ – 142 futbolşy
• 61. Belarus – 51 futbolşy
• 65. Moldova – 65 futbolşy.
• 72. Litva – 31 futbolşy.
• 79. Özbekstan – 25 futbolşy.
Bır qyzyǧy, Qazaqstan chempionatynyŋ (QPL) komandalarynda 14 klubtyŋ sapynda 360-qa juyq futbolşy öner körsetedı, olardyŋ 25 paiyzǧa juyǧy şeteldık oiynşylar. Aitpaqşy, Euraziialyq ekonomikalyq odaq elderınıŋ oiynşylary QPL-da legioner bolyp sanalmaidy.
Būǧan deiın futboldan Qazaqstan qūramasyn qaraǧandylyq «Şahterdıŋ» bapkerı Magomed Adiev jattyqtyratyny belgılı bolǧan.
Sonymen qatar, Qazaqstan futbol federasiiasy el qūramalarynyŋ barlyq analitikalyq vertikalyn qūru tapsyrylatyn maman Valbuena Raul Kanony jūmysqa alu turaly şeşım qabyldady. Būl turaly «Sportradar.kz» telegram-kanaly habarlady.
Ūlttyq qūramanyŋ bas bapkerı mındetın būǧan deiın Andrei Karpovich atqarsa, onyŋ aldynda komandany Talǧat Baisufinov basqardy.
”Adyrna” ūlttyq portaly
