بەلارۋس پرەزيدەنتى الەكساندر لۋكاشەنكو رەسەي زىمىرانداردى، سونىڭ ىشىندە رەسەيلىك «يسكاندەر» جەدەل-تاكتيكالىق زىمىراندىق كەشەندەرىنىڭ ۇلگىسىن جاساۋدا كومەكتەسەتىنىن ايتتى، دەپ حابارلايدى “ادىرنا” ۇلتتىق پورتالى.
ماسكەۋ مەن مينسك زىمىراندىق كەشەندەردى، سونىڭ ىشىندە يسكاندەر مودەلىن وندىرۋگە قاتىستى بىرقاتار ماسەلەلەر بويىنشا كەلىسىمگە كەلدى. بۇل تۋرالى بەلارۋس پرەزيدەنتىنىڭ رەسمي سايتىندا جاريالاندى.
بەلارۋس پرەزيدەنتىنىڭ ايتۋىنشا، مەملەكەت باسشىلارى وسى جىلدىڭ ءساۋىر ايىندا قيىر شىعىسقا ساپارىنان كەيىن بۇل تاقىرىپتى ءوزارا كوتەرگەن.
«جوعارى دەڭگەيدە ءتيىستى كەلىسىمدەرگە قول جەتكىزىلدى. ءبىز جاڭا زىمىران جاساپ جاتىرمىز. ول - وتە ءتيىمدى «يسكاندەر» زىمىرانى»، - دەدى لۋكاشەنكو مەملەكەتتىك قورعانىس تاپسىرىسى بويىنشا كەڭەستە.
“ادىرنا” ۇلتتىق پورتالى
