قىرىمداعى يالتا جاعالاۋىنا كەلگەن قوناقتاردىڭ كوڭىلىن سەرگىتپەك بولىپ ۇيىمداستىرۋشى ۋكراينشا ءان قويعان. ءان قويعانى سول، بي كەشىن ۇيىمداستىرۋشىنىڭ باسى بالەگە قالدى. ونى باسقىنشىلار ۋكراين تىلىندەگى ءان قويعانى ءۇشىن بوتاداي بوزداتىپ، كوپشىلىكتەن كەشىرىم سۇراتقان. بۇل جايلى رەسەيدىڭ تاۋەلسىز "sotavisiontv" پورتالىنا سىلتەمە كورسەتە وتىرىپ "ادىرنا" ۇلتتىق پورتالى حابارلايدى.
كامەرا الدىندا بوتاداي بوزداعان ايەلدىڭ:
"مەن رەسەيدىڭ مۇددەلەسىمىن. بارلىعىڭىزدى جاقسى كورەمىن. قۇداي ءۇشىن، مەنى كەشىرىڭىزدەرشى", - دەگەن داۋىسىن ەستۋگە بولادى. ونىڭ بار كىناسى - كەلگەن قوناقتاردىڭ كوڭىلىن سەرگىتۋ ءۇشىن ۋكراين ءانىن قويعاندىعى بولىپ وتىر.
ۇيىمداستىرۋشى ءوزىنىڭ قانداي دا ءبىر الابوتەن ويىنىڭ بولماعانىن، بار بولعانى قوناقتارعا كەرەمەت كوڭىل-كۇي سىيلاعىسى كەلگەنىن ايتىپ، اعىنان جارىلدى.
"ادىرنا" ۇلتتىق پورتالى
