بۇگىن، ياعني 1 جەلتوقسان – تۇڭعىش پرەزيدەنت كۇنى. وسى كۇنگە وراي ەلباسى تۋرالى قىزىقتى دەرەكتەردى نازارلارىڭىزعا ۇسىنامىز.
1. نۇرسۇلتان نازارباەۆ جوعارى وقۋ ورنىنىڭ سىناعىنان وتە الماي قالىپ، بانكتە 2 اي قاراۋىل بولىپ قىزمەت ىستەگەن;
2. 1997 جىلدان بەرى پەرسەۋس RA 3h 23v Osd 40* 43 ءنومىرلى جۇلدىزى ەلباسىنىڭ اتىندا;
3. نۇرسۇلتان نازارباەۆ الەمدەگى ازىرگە 10-اق ادامعا بەرىلگەن التىننان دا قىمبات باعالاناتىن نيوبيدەن مەدال تاققان;
4. نۇرسۇلتان نازارباەۆتىڭ اكەسى ءابىش نەگىزى ءبيدىڭ ۇرپاعى. قازاق، ورىس جانە بالقار تىلدەرىن جەتىك بىلگەن;
5. اناسى ءالجان قازىرگى قورداي اۋدانى، قاسىق اۋىلىنداعى مولدانىڭ قىزى بولعان;
6. نۇرسۇلتان نازارباەۆ 1995 جىلى ابايدىڭ 150 جىلدىعىنا وراي ومىرىندە العاش رەت اباي شىڭىنا (4010 م) شىقتى;
7. پرەزيدەنت 1996 – 2005 جىلدار ارالىعىنداعى ەڭ اۋىر سىناعى – 9 جىل بويى كورشىلەرمەن دەليميتاتسيا جۇمىسىن جۇرگىزىپ، تىنىش اياقتادى;
8. ەلباسى بالا كەزىنەن جەمىس اعاشتارىن بۋدانداستىرۋدى ۇيرەنىپ، الماتىنىڭ كولحوز بازارىنا الما-المۇرت اكەپ ساتقان;
9. نۇرسۇلتان نازارباەۆ العاش 5 جاسىندا اتقا مىنگەن، 55 جاسىندا تاۋ شاڭعىسىنا تۇرعان;
10. پرەزيدەنتىمىز 1995 جىلى ۇلكەن تەننيستى ۇيرەنىپ باستادى، ال 1996 جىلدان بەرى گولف وينايدى;
11. ەلباسىنىڭ 12 اتاسى: ءابىش، نازارباي، ەدىل، كەمبابا، مىرزاتاي، ايدار، كوشەك، قاراساي، التىناي، ەسقوجا، مالدى-ىستىق، شاپىراشتى;
12. نۇرسۇلتان نازارباەۆتىڭ اتاسى بي نازاربايدىڭ 1880 جىلدارى سۋ ديىرمەنى جانە وعان تارتىلعان 214 مەترلىك ارىعى بولعان;
13. نۇرسۇلتان نازارباەۆ اتىندا يوردانيادا، تۇركيادا جانە شەشەنستاندا كوشەلەر اتالعان;
14. ەلباسى ساياسي مەمۋارلار وقۋدى ۇناتادى. ش.گولل، م.اتاتۇرىك، ۋ.چەرچيلل ومىرلەرىن ءتۇپ-تۇقيانىنا دەيىن زەرتتەگەن;
15. تەك 1991 مەن 2006 جىلدار ارالىعىندا پرەزيدەنتتىڭ ءوز اتىمەن 12 كىتابى جارىققا شىققان;
16. 1981 جىلى دىنمۇحاممەد قوناەۆ ءوزىنىڭ مەرەيتويىندا نۇرسۇلتان نازارباەۆتى «ءوزىمنىڭ بالام» دەپ تانىستىرعان.
"ادىرنا" ۇلتتىق پورتالى
