باتىل ادامدارمەن كەزدەسۋ

5126
Adyrna.kz Telegram

تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى ۇلى وتان سوعىسىنىڭ تىل ەڭبەككەرلەرىن قۇتتىقتادى.

«ارداگەرلەردى ارداقتايىق» دەمەۋشىلىگىمەن ارداگەرلەردى قۇتتىقتاۋ زياتكەرلىك مەكتەپتىڭ يگى داستۇرىنە اينالعان. جىل وتكەن سايىن ولاردىڭ سانى ازايىپ بارادى، ناعىز باتىرلارمەن، پاتريوتتارمەن، عاجايىپ، باتىل ادامدارمەن وتكىزگەن ءاربىر مينۋتى سوعۇرلىم قۇندى.

بەكمەتوۆا سەرىك جۇماتايقىزى، تىل ەڭبەككەرى. سوعىس باستالعاندا ول نەبارى التى جاستا ەدى. ول وتباسىنداعى جالعىز بالا، اناسىمەن بىرگە ەلەۆاتوردا جۇمىس ىستەگەن، استىق قوزعالىسىنىڭ بارىسىن باقىلاۋعا كومەكتەسكەن. قيىن جاعدايدا تىلداعى جاۋىنگەرلەرمەن بىرگە بۇل جەڭىسكە قول جەتكىزدى.

 سەندەر باقىتتى بالالارسىڭدار، بەيبىت، بەرەكەلى ەلدە تۇرىپ جاتىرسىڭدار. ءبىزدىڭ ەلدىڭ دارىگەر، عالىم، مۇعالىم بولاتىن ازاماتسىندار. بولاشاق ۇرپاق ەشقاشان سوعىستىڭ اۋىرتپالىعىن كورمەسە ەكەن دەيمىن، – دەدى سەرىك جۇماتايقىزى بەكمەتوۆا جاس زيالى قاۋىمعا ارناعان سوزىندە.

كۋراتورلىق ساعاتتاردا وقۋشىلار جاۋىنگەرلەردىڭ ەرلىكتەرى تۋرالى، قازاقستاننىڭ فاشيستىك گەرمانيانى جەڭۋگە قوسقان ۇلەسى تۋرالى ايتىپ، پوستەرلىك سەسسيالاردا ۇلى وتان سوعىسىنىڭ ماڭىزدى شايقاستارىن كورسەتتى.

9-سىنىپ وقۋشىسى الماس اسەتوۆ ەكىنشى دۇنيەجۇزىلىك سوعىسقا قاتىسقان ارعى اتاسى مۇحتار ومارۇلى وماروۆتىڭ فوتوسۋرەتتەرى مەن ومىربايانىمەن ءبولىستى.

مەنىڭ اتام – مەنىڭ باتىرىم. سوعىسقا شاقىرىلعاندا نەبارى 18 جاستا ەدى. ول كەزدە اسكەري ۋچيليششەدە وقيتىن. ول گەنەرال ي.س.كونەۆتىڭ باسشىلىعىمەن بەلارۋس ۋكراين مايدانىنىڭ قۇرامىندا سوعىسقان. بەرلينگە جەتتى، بەرليندە «ەسىمسىز سولدات» ەسكەرتكىشىنىڭ قۇرىلىسىنا جەتەكشىلىك ەتتى، - دەپ باتىردىڭ شوبەرەسى ءبىر فوتوسۋرەتتىڭ تاريحىن ايتىپ بەردى.

سوعىس جىلدارىنداعى ەستەلىكتەر ۇرپاقتان-ۇرپاققا جالعاسۋدا. جىل سايىن زياتكەرلەرىمىز تالدىقورعان قالاسىنىڭ ۇلى وتان سوعىسىنىڭ ارداگەرلەرىمەن، ەڭبەككەرلەرىمەن كەزدەسىپ، اكتسيالار ۇيىمداستىرادى. ال بۇل جولى تىل ەڭبەككەرلەرىنە، قارتتارعا ازىق-تۇلىك سەبەتتەر جينادى.

انگىمە-سۇحبات كەزدەسۋدىڭ ماڭىزدى بولىگى بولدى. اجەلەر، اتالار ءوز ومىرلەرىن، باسىنان كەشكەندەرىن ايتتى. بارلىعى ۇلكەن ىقىلاسپەن تىڭدادى، ويتكەنى كىتاپتان ۇيرەنبەگەن كوپتەگەن قىزىقتى نارسەلەردى وسىنداي كەزدەسۋلەردەن بىلۋگە ​​بولادى.

بۇگىن ءبىز ناعىز باتىرلارمەن كەزدەستىك، ولاردىڭ ەستەلىكتەرىن تىڭدادىق. ۇلى وتان سوعىسىن ەسكە الا وتىرىپ، ءبىز بۇگىن باسىمىزدان بەيبىت اسپان كورۋىمىز ءۇشىن جانىن قيعان جاۋىنگەرلەردى قۇرمەتپەن ەسكە الامىز»، - دەيدى 8-سىنىپ وقۋشىسى انەل بيەمباەۆا.

سوعىس ەل ءۇشىن عانا ەمەس، ءاربىر جەكە ادام ءۇشىن قاشاندا اۋىر سىناق. سوڭعى جىلدارداعى تاريحىمىزدىڭ دەرەكتەرى قالاي وزگەرسە دە، 9 مامىر – جەڭىس كۇنى ماڭگى ەسىمىزدە.

پىكىرلەر