Batyl adamdarmen kezdesý

5125
Adyrna.kz Telegram

Taldyqorǵan qalasyndaǵy Nazarbaev Zııatkerlik mektebiniń oqýshylary Uly Otan soǵysynyń tyl eńbekkerlerin quttyqtady.

«Ardagerlerdi ardaqtaıyq» demeýshiligimen ardagerlerdi quttyqtaý Zııatkerlik mekteptiń ıgi dástúrine aınalǵan. Jyl ótken saıyn olardyń sany azaıyp barady, naǵyz batyrlarmen, patrıottarmen, ǵajaıyp, batyl adamdarmen ótkizgen árbir mınýty soǵurlym qundy.

Bekmetova Serik Jumataıqyzy, tyl eńbekkeri. Soǵys bastalǵanda ol nebári alty jasta edi. Ol otbasyndaǵy jalǵyz bala, anasymen birge elevatorda jumys istegen, astyq qozǵalysynyń barysyn baqylaýǵa kómektesken. Qıyn jaǵdaıda tyldaǵy jaýyngerlermen birge bul Jeńiske qol jetkizdi.

 Sender baqytty balalarsyńdar, beıbit, berekeli elde turyp jatyrsyńdar. Bizdiń eldiń dáriger, ǵalym, muǵalim bolatyn azamatsyndar. Bolashaq urpaq eshqashan soǵystyń aýyrtpalyǵyn kórmese eken deımin, – dedi Serik Jumataıqyzy Bekmetova jas zııaly qaýymǵa arnaǵan sózinde.

Kýratorlyq saǵattarda oqýshylar jaýyngerlerdiń erlikteri týraly, Qazaqstannyń fashıstik Germanııany jeńýge qosqan úlesi týraly aıtyp, posterlik sessııalarda Uly Otan soǵysynyń mańyzdy shaıqastaryn kórsetti.

9-synyp oqýshysy Almas Ásetov ekinshi dúnıejúzilik soǵysqa qatysqan arǵy atasy Muhtar Omaruly Omarovtyń fotosýretteri men ómirbaıanymen bólisti.

Meniń atam – meniń batyrym. Soǵysqa shaqyrylǵanda nebári 18 jasta edi. Ol kezde áskerı ýchılıede oqıtyn. Ol general I.S.Konevtiń basshylyǵymen Belarýs Ýkraın maıdanynyń quramynda soǵysqan. Berlınge jetti, Berlınde «Esimsiz soldat» eskertkishiniń qurylysyna jetekshilik etti, - dep batyrdyń shóberesi bir fotosýrettiń tarıhyn aıtyp berdi.

Soǵys jyldaryndaǵy estelikter urpaqtan-urpaqqa jalǵasýda. Jyl saıyn zııatkerlerimiz Taldyqorǵan qalasynyń Uly Otan soǵysynyń ardagerlerimen, eńbekkerlerimen kezdesip, akııalar uıymdastyrady. Al bul joly tyl eńbekkerlerine, qarttarǵa azyq-túlik sebetter jınady.

Ángime-suhbat kezdesýdiń mańyzdy bóligi boldy. Ájeler, atalar óz ómirlerin, basynan keshkenderin aıtty. Barlyǵy úlken yqylaspen tyńdady, óıtkeni kitaptan úırenbegen kóptegen qyzyqty nárselerdi osyndaı kezdesýlerden bilýge ​​bolady.

Búgin biz naǵyz batyrlarmen kezdestik, olardyń estelikterin tyńdadyq. Uly Otan soǵysyn eske ala otyryp, biz búgin basymyzdan beıbit aspan kórýimiz úshin janyn qıǵan jaýyngerlerdi qurmetpen eske alamyz», - deıdi 8-synyp oqýshysy Ánel Bıembaeva.

Soǵys el úshin ǵana emes, árbir jeke adam úshin qashanda aýyr synaq. Sońǵy jyldardaǵy tarıhymyzdyń derekteri qalaı ózgerse de, 9 mamyr – Jeńis kúni máńgi esimizde.

Pikirler