"سەلفي جاساماق بولعان": پاۆلودارلىق قىز ۆاگون ۇستىنە شىعامىن دەپ توققا ءتۇستى

2812

پاۆلوداردا 18 جاستاعى قىز جولاۋشىلار پويىزىنىڭ توبەسىندە سەلفي جاساماق بولىپ، كۇيىپ قالعان، دەپ حابارلايدى "ادىرنا" ۇلتتىق پورتالى stan.kz-كە سىلتەمە جاساپ. 

"18 جاستاعى قىز دەنەسىنىڭ وڭ جاق بولىگىن تەرميالىق كۇيىك شالىپ، تراۆماتيكالىق شوكپەن اۋرۋحاناعا ءتۇستى. بەلگىلى بولعانداي، ول سەلفي جاساعىسى كەلىپ، ۆاگون ۇستىنە شىعىپ كەتكەن", – دەپ حابارلادى دەنساۋلىق ساقتاۋ باسقارماسىنىڭ ءباسپاسوز قىزمەتى. 

بويجەتكەن جولقۇدىق ۆوكزالىنىڭ ماڭىندا ەلەكتر ەنەرگياسىنان جاراقات العان. دارىگەرلەر وعان وڭ جاق تومەنگى اياق-قولىن تەرميالىق كۇيىك، دەنەسىنىڭ وڭ جاق جارتىسى، وڭ جاق جوعارعى جاعى III-IV دارەجەلى ياعني 50%  كۇيىك دياگنوزىن قويدى. ودان بولەك باس تەرىسىنىڭ جارتىسى جارالانعان، II-III دارەجەلى تراۆماتيكالىق شوك العان.

قازىر زارداپ شەككەن بويجەتكەن جانساقتاۋ بولىمىندە جاتىر.

"ادىرنا" ۇلتتىق پورتالى 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket