شىمكەنت: قاراتاۋ اۋدانى بىرلىك مەرەكەسىن تويلادى

657

شىمكەنت قالاسى قاراتاۋ اۋدانى اكىمدىگىنىڭ ۇيىمداستىرۋىمەن «ەل بىرلىگى — مەملەكەت تۇراقتىلىعىنىڭ تىرەگى» ءىس-شاراسى ءوتتى. جيىن 1 مامىر — قازاقستان حالقىنىڭ بىرلىگى كۇنىنە وراي «ءنۇرسات» ونەر مەكتەبىندە ۇيىمداستىرىلىپ وتىر.

— ءاربىر مەملەكەتتىڭ تۇراقتىلىعى ەلدىك پەن بىرلىككە نەگىزدەلەتىنى انىق. ەلىمىزدىڭ بىرلىگى نىعايىپ، ىنتىماعى ارتا بەرسىن! ءبىز بۇگىن ءتۇرلى سالادا تەر توگىپ، قاراتاۋ اۋدانىنىڭ وركەندەۋىنە ۇلەس قوسىپ جۇرگەن ازاماتتارىمىزعا العىس بىلدىرمەكپىز، - دەدى قاراتاۋ اۋدانىنىڭ اكىمى ر. مۇلكەمانوۆ.

شىمكەنت قالالىق «احىسكا» تۇرىك ەتنومادەني بىرلەستىگىنىڭ مۇشەسى، اليەۆتەر وتباسىلىق ءانسامبلىنىڭ جەتەكشىسى باچاك اليەۆ باباسىنىڭ قازاقستانعا قالاي كەلگەنىن بايانداپ بەردى.
— اكەم ماحانبەت پەن انام پامبۋح 1944 جىلى دەپورتاتسيا كەزىندە جەر اۋدارىلعان. سول كەزدەگى سايرام اۋدانى لەنين جولى كولحوزىنا كەلگەندە جەرگىلىكتى تۇرعىندار، ونىڭ ىشىندە قازاقتار وزدەرىنىڭ قورجىن ۇيلەرىنە قوندىرىپ، اس-سۋىن بولىسكەن. مەن 1948 جىلى دۇنيەگە كەلگەنمىن. 30 جىلدان استام قۇقىق قورعاۋ سالاسىندا جۇمىس ىستەدىم. اتا-انام كوزى تىرىسىندە قازاق حالقىنىڭ قوناقجايلىعىن، باۋىرمالدىعىن ءاردايىم ايتىپ وتىراتىن. قازاق ۇلتىنا دەگەن قۇرمەتىمىز رەتىندە نەمەرەلەرىمىزگە نۇرسۇلتان، ەرسۇلتان، بەكسۇلتان، شاحسۇلتان دەپ قازاق ەسىمدەرىن قويدىق،- دەيدى كەيىپكەرىمىز.

سالتاناتتى شارا بارىسىندا قاراتاۋ اۋدانىنىڭ ەتنومادەني ورتالىق وكىلدەرى، كاسىپكەرلەرى، مادەنيەت سالاسىنىڭ مايتالماندارى مەن شاعىن اۋداندارداعى بەلسەندى ءۇي باسقارۋشىلارى، تۇرعىندار ماراپاتتالدى.

شىمكەنت قالالىق كورەي ەتنومادەني ورتالىعىنىڭ مۇشەسى، №88 جالپى ورتا مەكتەبىنىڭ مۇعالىمى تيمۋر پاك — بەلسەندى جاستاردىڭ ءبىرى.

— قازاقستاندا ءونىپ-ءوسىپ وتىرعانىمدى ماقتان تۇتامىن. اعايىندى بەسەۋمىز دە قازاق ەلىنە دەگەن قۇرمەتىمىز رەتىندە قازاق مەكتەبىندە ءبىلىم الدىق. اتام ۆلاديمير پاك پەن اجەم ليۋبوۆ تسوي ءاردايىم قازاق ۇلتىنىڭ باۋىرمالدىعىن دارىپتەپ ءوتتى، -دەيدى ت. پاك.

سالتاناتتى جيىن «ءنۇرسات» ونەر مەكتەبى وقۋشىلارىنىڭ كونتسەرتىنە ۇلاستى.

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket