Shymkent: Qarataý aýdany birlik merekesin toılady

1911
Adyrna.kz Telegram

Shymkent qalasy Qarataý aýdany ákimdiginiń uıymdastyrýymen «El birligi — memleket turaqtylyǵynyń tiregi» is-sharasy ótti. Jıyn 1 mamyr — Qazaqstan halqynyń birligi kúnine oraı «Nursát» óner mektebinde uıymdastyrylyp otyr.

— Árbir memlekettiń turaqtylyǵy eldik pen birlikke negizdeletini anyq. Elimizdiń birligi nyǵaıyp, yntymaǵy arta bersin! Biz búgin túrli salada ter tógip, Qarataý aýdanynyń órkendeýine úles qosyp júrgen azamattarymyzǵa alǵys bildirmekpiz, - dedi Qarataý aýdanynyń ákimi R. Múlkemanov.

Shymkent qalalyq «Ahyska» túrik etnomádenı birlestiginiń múshesi, Alıevter otbasylyq ansambliniń jetekshisi Bachak Alıev babasynyń Qazaqstanǵa qalaı kelgenin baıandap berdi.
— Ákem Mahanbet pen anam Pambýh 1944 jyly deportaııa kezinde jer aýdarylǵan. Sol kezdegi Saıram aýdany Lenın joly kolhozyna kelgende jergilikti turǵyndar, onyń ishinde qazaqtar ózderiniń qorjyn úılerine qondyryp, as-sýyn bólisken. Men 1948 jyly dúnıege kelgenmin. 30 jyldan astam quqyq qorǵaý salasynda jumys istedim. Ata-anam kózi tirisinde qazaq halqynyń qonaqjaılyǵyn, baýyrmaldyǵyn árdaıym aıtyp otyratyn. Qazaq ultyna degen qurmetimiz retinde nemerelerimizge Nursultan, Ersultan, Beksultan, Shahsultan dep qazaq esimderin qoıdyq,- deıdi keıipkerimiz.

Saltanatty shara barysynda Qarataý aýdanynyń etnomádenı ortalyq ókilderi, kásipkerleri, mádenıet salasynyń maıtalmandary men shaǵyn aýdandardaǵy belsendi úı basqarýshylary, turǵyndar marapattaldy.

Shymkent qalalyq koreı etnomádenı ortalyǵynyń múshesi, №88 jalpy orta mektebiniń muǵalimi Tımýr Pak — belsendi jastardyń biri.

— Qazaqstanda ónip-ósip otyrǵanymdy maqtan tutamyn. Aǵaıyndy beseýmiz de qazaq eline degen qurmetimiz retinde qazaq mektebinde bilim aldyq. Atam Vladımır Pak pen ájem Lıýbov oı árdaıym qazaq ultynyń baýyrmaldyǵyn dáriptep ótti, -deıdi T. Pak.

Saltanatty jıyn «Nursát» óner mektebi oqýshylarynyń konertine ulasty.

 

Pikirler