25.05.2020 جىلى «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ قابىلداندى.
اتالعان زاڭ قازاقستان رەسپۋبليكاسىنىڭ كونستيتۋتسياسىندا بەلگىلەنگەن قازاقستان رەسپۋبليكاسى ازاماتتارىنىڭ بەيبىت جانە قارۋسىز جينالىپ، جينالىستار، ميتينگىلەر مەن دەمونستراتسيالار، شەرۋلەر مەن پيكەتتەۋ وتكىزۋ قۇقىعىن ىسكە اسىرۋعا باعىتتالعان.
زاڭدا بەيبىت جينالىستاردى وتكىزۋدىڭ حابارلامالىق جانە رەگلامەنتتەلگەن ءتارتىبى كوزدەلگەن.
ءبىرىنشى جاعدايدا جينالىستاردى، ميتينگىلەر مەن پيكەتتەردى ۇيىمداستىرۋشى وتكىزىلەتىن كۇنىنە دەيىن 5 جۇمىس كۇنىنەن كەشىكتىرمەي ولاردىڭ وتكىزىلەتىنى تۋرالى جەرگىلىكتى اتقارۋشى ورگاندى الدىن الا حاباردار ەتۋ كوزدەلگەن، ال دەمونستراتسيا مەن شەرۋ وتكىزۋ ءۇشىن ءىس-شارانى ۇيىمداستىرۋشى وتىنىشتەر وتكىزىلەتىن كۇنگە دەيىن 10 جۇمىس كۇنىنەن كەشىكتىرىلمەيتىن مەرزىمدە ولاردى جىبەرۋگە ءتيىس.
«قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭنىڭ 5-بابىنىڭ 4-تارماعىنا سايكەس بەيبىت جينالىستاردى ۇيىمداستىرۋشى نەمەسە ۇيىمداستىرۋشىنىڭ وكىلى بولماعان كەزدە بەيبىت جينالىستار وتكىزۋگە جول بەرىلمەيدى.
بەيبىت جينالىستاردى ۇيىمداستىرۋ جانە وتكىزۋ زورلىق-زومبىلىقسىز سيپاتتاعى، زاڭدىلىق، مەملەكەتتىك قاۋىپسىزدىكتى، قوعامدىق ءتارتىپتى قامتاماسىز ەتۋ، دەنساۋلىق ساقتاۋ، باسقا ادامداردىڭ قۇقىقتارى مەن بوستاندىقتارىن قورعاۋ، قاتىسۋ ەرىكتىلىگى، بەيبىت جينالىستاردى وتكىزۋ پايداسىنا پرەزۋمپتسيا، تاراپتاردىڭ جاۋاپكەرشىلىگى قاعيداتتارىنا نەگىزدەلۋى ءتيىس.
سوڭعى جىلدارى ينتەرنەت كەڭىستىگىندە ازاماتتاردى حابارلامالار مەن بەينەروليكتەردى تاراتۋ ارقىلى زاڭسىز اكتسيالارعا قاتىسۋعا شاقىرۋ جيىلەپ، ازاماتتاردى زاڭدى بۇزۋعا يتەرمەلەيتىنى قۇپيا ەمەس.
بەيبiت جينالىستار، ميتينگiلەر، شەرۋلەر، پيكەتتەر جانە دەمونستراتسيالار ۇيىمداستىرۋ مەن وتكiزۋ ءتارتiبi تۋرالى زاڭداردى بۇزۋ، ونى ۇيىمداستىرۋشىلاردىڭ جانە قاتىسۋشىلاردىڭ اكىمشىلىك قۇقىق بۇزۋشىلىق تۋرالى قازاقستان رەسپۋبليكاسى كودەكسىنىڭ 488 - بابىمەن اكىمشىلىك جاۋاپكەرشىلىككە جانە قازاقستان رەسپۋبليكاسىنىڭ قىلمىستىق كودەكسiنىڭ 400 - بابىمەن قىلمىستىق جاۋاپكەرشىلىككە اكەلىپ سوعۋى مۇمكىن.
وسىعان بايلانىستى الماتى وبلىسىنىڭ پروكۋراتۋراسى قولدانىستاعى، سونىڭ ىشىندە قازاقستان رەسپۋبليكاسىندا بەيبىت جينالىستاردى ۇيىمداستىرۋ مەن وتكىزۋدى رەتتەيتىن زاڭناما نورمالارىن مۇلتىكسىز ساقتاۋعا شاقىرادى.
