Qazaqstan Respýblıkasynda beıbit jınalystardy uıymdastyrý jáne ótkizý tártibi týraly

4421
Adyrna.kz Telegram

25.05.2020 jyly «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Zań qabyldandy.

Atalǵan Zań Qazaqstan Respýblıkasynyń Konstıtýııasynda belgilengen Qazaqstan Respýblıkasy azamattarynyń beıbit jáne qarýsyz jınalyp, jınalystar, mıtıngiler men demonstraııalar, sherýler men pıketteý ótkizý quqyǵyn iske asyrýǵa baǵyttalǵan.

Zańda beıbit jınalystardy ótkizýdiń habarlamalyq jáne reglamenttelgen tártibi kózdelgen.

Birinshi jaǵdaıda jınalystardy, mıtıngiler men pıketterdi uıymdastyrýshy ótkiziletin kúnine deıin 5 jumys kúninen keshiktirmeı olardyń ótkiziletini týraly jergilikti atqarýshy organdy aldyn ala habardar etý kózdelgen, al demonstraııa men sherý ótkizý úshin is-sharany uıymdastyrýshy ótinishter ótkiziletin kúnge deıin 10 jumys kúninen keshiktirilmeıtin merzimde olardy jiberýge tıis.

«Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Zańnyń 5-babynyń 4-tarmaǵyna sáıkes beıbit jınalystardy uıymdastyrýshy nemese uıymdastyrýshynyń ókili bolmaǵan kezde beıbit jınalystar ótkizýge jol berilmeıdi.

Beıbit jınalystardy uıymdastyrý jáne ótkizý zorlyq-zombylyqsyz sıpattaǵy, zańdylyq, memlekettik qaýipsizdikti, qoǵamdyq tártipti qamtamasyz etý, densaýlyq saqtaý, basqa adamdardyń quqyqtary men bostandyqtaryn qorǵaý, qatysý eriktiligi, beıbit jınalystardy ótkizý paıdasyna prezýmpııa, taraptardyń jaýapkershiligi qaǵıdattaryna negizdelýi tıis.

Sońǵy jyldary ınternet keńistiginde azamattardy habarlamalar men beınerolıkterdi taratý arqyly zańsyz akııalarǵa qatysýǵa shaqyrý jıilep, azamattardy zańdy buzýǵa ıtermeleıtini qupııa emes.

Beıbit jınalystar, mıtıngiler, sherýler, pıketter jáne demonstraııalar uıymdastyrý men ótkizý tártibi týraly zańdardy buzý, ony uıymdastyrýshylardyń jáne qatysýshylardyń Ákimshilik quqyq buzýshylyq týraly Qazaqstan Respýblıkasy Kodeksiniń 488 - babymen ákimshilik jaýapkershilikke jáne Qazaqstan Respýblıkasynyń Qylmystyq kodeksiniń 400 - babymen qylmystyq jaýapkershilikke ákelip soǵýy múmkin.

Osyǵan baılanysty Almaty oblysynyń prokýratýrasy qoldanystaǵy, sonyń ishinde Qazaqstan Respýblıkasynda beıbit jınalystardy uıymdastyrý men ótkizýdi retteıtin zańnama normalaryn múltiksiz saqtaýǵa shaqyrady.

 

Pikirler