«اشىق نقا» سايتىندا «ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى № 1193 قاۋلىسىنا تولىقتىرۋ ەنگىزۋ تۋرالى ۇكىمەت قاۋلىسىنىڭ جوباسى جاريالاندى، دەپ حابارلايدى “ادىرنا” ۇلتتىق پورتالى.
قۇجاتتىڭ اۆتورى رەتىندە قر ەڭبەك جانە حالىقتى الەۋمەتتىك قورعاۋ مينيسترلىگى كورسەتىلگەن. سونداي-اق، قۇجاتتا مەملەكەتتىك باسقارۋ ورگاندارىنا قانداي قۇقىق بەرىلەتىنى جازىلعان.
«مەملەكەتتىك باسقارۋ ورگاندارىنا:
1) ۇيىمداردىڭ باسشىلارىنا ولاردىڭ جۇمىس ناتيجەلەرى بويىنشا سىيلىقاقى بەرۋ، لاۋازىمدىق ايلىقاقىلارىنا ىنتالاندىرۋ ۇستەمەاقىلارىن بەلگىلەۋ، سونداي-اق قارجىلاندىرۋ جوسپارى بويىنشا ءتيىستى مەملەكەتتىك مەكەمەنى ۇستاۋعا كوزدەلگەن قاراجاتتى ۇنەمدەۋ ەسەبىنەن نەمەسە مەملەكەتتىك باسقارۋ ورگانى قازىنالىق كاسىپورىن ءۇشىن بەكىتكەن دامۋ جوسپارى بويىنشا قاراجاتتى ۇنەمدەۋ ەسەبىنەن مەملەكەتتىك باسقارۋ ورگانى بەلگىلەگەن تارتىپپەن ماتەريالدىق كومەك كورسەتۋ;
2) قىزمەتكەرلەرگە كەسىمدى ەڭبەكاقى تولەۋ كەزىندە كەسىمدى باعالاۋلاردى بەكىتۋ;
3) جەرگىلىكتى وكىلدى ورگانداردىڭ شەشىمى بويىنشا جەرگىلىكتى بيۋدجەتتەن قارجىلاندىرىلاتىن ۇيىمدار قىزمەتكەرلەرىنىڭ لاۋازىمدىق ايلىقاقىلارىنا وبلىستىق بيۋدجەتتەر جانە رەسپۋبليكالىق ماڭىزى بار قالالاردىڭ، استانانىڭ بيۋدجەتتەرى ەسەبىنەن ىنتالاندىرۋ ۇستەمەاقىلارىن بەلگىلەۋ قۇقىعى بەرىلسىن. اتالعان ۇستەمەاقىنى بەلگىلەۋ ءتارتىبى مەن شارتتارىن جەرگىلىكتى اتقارۋشى ورگان ايقىندايدى»، – دەپ جازىلعان اشىق نقا سايتىندا.
وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
”ادىرنا” ۇلتتىق پورتالى
