فوتو: bb.lv
اقش-تىڭ فەدەرالدىق تەرگەۋ بيۋروسى (فتب) يراننىڭ پايداسىنا تىڭشىلىق جاسادى دەپ كۇدىككە ىلىنگەن اقش اۋە كۇشتەرى بارلاۋ ءبولىمىنىڭ بۇرىنعى قىزمەتكەرىن ۇستاۋعا كومەكتەسەتىن اقپارات ءۇشىن 200 مىڭ اقش دوللارى كولەمىندە سىياقى جاريالادى. بۇل تۋرالى CNN حابارلادى، دەپ جازادى «ادىرنا».
14 مامىر كۇنى فتب 2019 جىلى يراننىڭ مۇددەسى ءۇشىن تىڭشىلىق جاسادى دەپ ايىپتالعان اقش اۋە كۇشتەرىنىڭ بۇرىنعى بارلاۋ مامانى مونيكا ءۋيتتتىڭ ورنالاسقان جەرىن انىقتاپ، ونى ۇستاۋعا كومەكتەسەتىن اقپارات ءۇشىن 200 مىڭ دوللار سىياقى بەرىلەتىنىن مالىمدەدى. فتب ونى ءالى دە يرانعا كومەكتەسۋى مۇمكىن دەپ ەسەپتەيدى.
ۋيتت اقش اۋە كۇشتەرىنىڭ ارنايى تەرگەۋلەر باسقارماسىندا قارسى بارلاۋ سالاسىندا جۇمىس ىستەگەن. 2003–2008 جىلدارى ول تاياۋ شىعىستا قىزمەتتىك تاپسىرمالاردى ورىنداعان. تەرگەۋشىلەردىڭ بولجامىنشا، ءدال سول كەزەڭدە ونى يران بارلاۋ قىزمەتى ءوز جاعىنا تارتقان. كەيىن ول يرانعا قۇندى اقپارات بەرىپ، سونىڭ سالدارىنان امەريكالىق بارلاۋشىلاردىڭ ءبىرىنىڭ قاۋىپسىزدىگىنە قاتەر توندىرگەن.
