«Ashyq NQA» saıtynda «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2015 jylǵy 31 jeltoqsandaǵy № 1193 qaýlysyna tolyqtyrý engizý týraly úkimet qaýlysynyń jobasy jarııalandy, dep habarlaıdy “Adyrna” ulttyq portaly.
Qujattyń avtory retinde QR Eńbek jáne halyqty áleýmettik qorǵaý mınıstrligi kórsetilgen. Sondaı-aq, qujatta memlekettik basqarý organdaryna qandaı quqyq beriletini jazylǵan.
«Memlekettik basqarý organdaryna:
1) uıymdardyń basshylaryna olardyń jumys nátıjeleri boıynsha syılyqaqy berý, laýazymdyq aılyqaqylaryna yntalandyrý ústemeaqylaryn belgileý, sondaı-aq qarjylandyrý jospary boıynsha tıisti memlekettik mekemeni ustaýǵa kózdelgen qarajatty únemdeý esebinen nemese memlekettik basqarý organy qazynalyq kásiporyn úshin bekitken damý jospary boıynsha qarajatty únemdeý esebinen memlekettik basqarý organy belgilegen tártippen materıaldyq kómek kórsetý;
2) qyzmetkerlerge kesimdi eńbekaqy tóleý kezinde kesimdi baǵalaýlardy bekitý;
3) jergilikti ókildi organdardyń sheshimi boıynsha jergilikti bıýdjetten qarjylandyrylatyn uıymdar qyzmetkerleriniń laýazymdyq aılyqaqylaryna oblystyq bıýdjetter jáne respýblıkalyq mańyzy bar qalalardyń, astananyń bıýdjetteri esebinen yntalandyrý ústemeaqylaryn belgileý quqyǵy berilsin. Atalǵan ústemeaqyny belgileý tártibi men sharttaryn jergilikti atqarýshy organ aıqyndaıdy», – dep jazylǵan Ashyq NQA saıtynda.
Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
”Adyrna” ulttyq portaly
