پوليتسيا گەنەرال-مايورى نۇرلان ءماسىموۆ پارا الدى دەگەن كۇدىككە ءىلىندى. بۇل تۋرالى سىبايلاس جەمقورلىققا قارسى قىزمەت حابارلادى، - دەپ حابارلايدى “ادىرنا” ۇلتتىق پورتالى.
"پاۆلودار وبلىسى بويىنشا سىبايلاس جەمقورلىققا قارسى قىزمەت پاۆلودار وبلىسى پوليتسيا دەپارتامەنتىنىڭ ەكس-باستىعى پوليتسيا گەنەرال-مايورى ماسىموۆكە قاتىستى اسا ءىرى مولشەردە پارا الدى دەگەن كۇدىكپەن سوتالدى تەرگەۋدى باستادى (قىلمىستىق كودەكستىڭ 366-بابى 4-بولىگى بويىنشا). وسى فاكت بويىنشا ونىڭ ءىس-ارەكەتى سىرتتاي سارالانىپ، تەرگەۋ سوتى "كۇزەتپەن ۇستاۋ" تۇرىندەگى بۇلتارتپاۋ شاراسىمەن سانكتسيالادى", - دەلىنگەن حابارلامادا.
ۆەدومستۆو مالىمەتىنشە، قازىرگى ۋاقىتتا ماسىموۆكە ىزدەۋ جاريالانعان.
ء"ىس بويىنشا ونىڭ ورنالاسقان جەرىن انىقتاۋ بويىنشا قاجەتتى جەدەل-ىزدەستىرۋ ءىس-شارالارى جانە ءىستىڭ بارلىق ءمان-جايىن انىقتاۋعا باعىتتالعان باسقا دا تەرگەۋ ءىس-ارەكەتتەرى جۇرگىزىلىپ جاتىر. تەرگەۋ ناتيجەلەرى بويىنشا ءتيىستى ءىس جۇرگىزۋ شەشىمى قابىلدانادى", - دەلىنگەن حابارلامادا.
وزگە اقپارات قىلمىستىق ءىس جۇرگىزۋ كودەكسىنىڭ 201-بابىنا سايكەس جاريا ەتۋگە جاتپايدى.
2022 جىلدىڭ قاڭتارىندا نۇرلان ءماسىموۆ پاۆلودار وبلىسى پوليتسيا دەپارتامەنتىنىڭ باستىعى قىزمەتىنەن بوساتىلعان. 48 جاستاعى نۇرلان ءماسىموۆ دەپارتامەنتتى 2019 جىلدىڭ قاراشاسىنان بەرى باسقارعان.
”ادىرنا” ۇلتتىق پورتالى
