ءبىلىم جانە عىلىم ءمينيسترى اسحات ايماعامبەتوۆ حالىقارالىق بايقاۋلار مەن ءپان وليمپيادالارىندا جەڭگەن وقۋشىلارعا 4 ملن تەڭگەگە دەيىن ءبىر رەتتىك تولەم جاسالاتىنىن ايتتى، دەپ حابارلايدى “ادىرنا” ۇلتتىق پورتالى.
«بۇل زاڭعا پرەزيدەنت قول قويۋى قاجەت. پرەزيدەنت قول قويسا، شارا دەرەۋ ىسكە اساتىن بولادى. بيىلعى جىلى حالىقارالىق دودالاردىڭ، ولمپيادالاردىڭ جەڭىمپازدارى بولسا، وسى مۇمكىندىككە يە بولادى. ياعني، ءبىر ۋاقىتتىق تولەمدەر 4 ميلليون تەڭگەگە دەيىن جەتەدى. ەكىنشىدەن، ولاردىڭ تالىمگەرلەرىنە دە بەرىلەتىن قارجى بار. ۇشىنشىدەن، وسى بالالارعا ارنايى گرانتتار بەرۋ ماسەلەسى قارالدى»، – دەدى اسحات ايماعامبەتوۆ سەناتتا تىلشىلەرگە بەرگەن سۇحباتىندا.
«ءتۇرلى دۇنيەجۇزىلىك دەڭگەيدەگى سپورتتىق جارىستاردىڭ جەڭىمپازدارىنا ۇبت تاپسىرماي-اق جوو-عا ءتۇسۋ مۇمكىندىگىن دە قاراستىردىق. بۇل – وتە جاقسى ماسەلە. ويتكەنى، قاراڭىزدار، حيميانى كەرەمەت بىلەتىن بالا مەندەلەەۆ وليمپياداسىنان جەڭىسپەن ورالدى دەلىك. بىراق ول ۇبت-عا بارعاندا قازاق ءتىلىن دە، تاريحتى دا، حيميانى دا ءبىلۋى كەرەك بولادى. سوندىقتان ءبىزدىڭ ايتىپ وتىرعانىمىز – وسىنداي بالالاردان ايىرىلىپ قالماۋىمىز كەرەك. زاڭعا تۇزەتۋلەر ەنگىزىلدى. بۇل – 10-20 جىلدان بەرى حالىق كوتەرىپ جۇرگەن ماسەلەلەردىڭ ءبىرى. بۇل ماسەلە شەشىمىن تاپتى دەپ ويلايمىن»، – دەدى مينيستر.
”ادىرنا” ۇلتتىق پورتالى
