Bilim jáne ǵylym mınıstri Ashat Aımaǵambetov Halyqaralyq baıqaýlar men pán olımpıadalarynda jeńgen oqýshylarǵa 4 mln teńgege deıin bir rettik tólem jasalatynyn aıtty, dep habarlaıdy “Adyrna” ulttyq portaly.
«Bul zańǵa Prezıdent qol qoıýy qajet. Prezıdent qol qoısa, shara dereý iske asatyn bolady. Bıylǵy jyly halyqaralyq dodalardyń, olmpıadalardyń jeńimpazdary bolsa, osy múmkindikke ıe bolady. Iaǵnı, bir ýaqyttyq tólemder 4 mıllıon teńgege deıin jetedi. Ekinshiden, olardyń tálimgerlerine de beriletin qarjy bar. Úshinshiden, osy balalarǵa arnaıy granttar berý máselesi qaraldy», – dedi Ashat Aımaǵambetov Senatta tilshilerge bergen suhbatynda.
«Túrli dúnıejúzilik deńgeıdegi sporttyq jarystardyń jeńimpazdaryna UBT tapsyrmaı-aq JOO-ǵa túsý múmkindigin de qarastyrdyq. Bul – óte jaqsy másele. Óıtkeni, qarańyzdar, hımııany keremet biletin bala Mendeleev olımpıadasynan jeńispen oraldy delik. Biraq ol UBT-ǵa barǵanda qazaq tilin de, tarıhty da, hımııany da bilýi kerek bolady. Sondyqtan bizdiń aıtyp otyrǵanymyz – osyndaı balalardan aıyrylyp qalmaýymyz kerek. Zańǵa túzetýler engizildi. Bul – 10-20 jyldan beri halyq kóterip júrgen máselelerdiń biri. Bul másele sheshimin tapty dep oılaımyn», – dedi mınıstr.
”Adyrna” ulttyq portaly
