الماتى وبلىسىندا اۋىل شارۋاشىلىعى داقىلدارىنىڭ كولەمى 974,1 مىڭ گەكتاردى قۇراپ وتىر، وتكەن جىلمەن سالىستىرعاندا 1,3 مىڭ گەكتارعا ۇلعايعان. جالپى، جەتىسۋ وڭىرىندە كوكتەمگى – دالا جۇمىستارى 16 ناۋرىزدا باستالدى. بۇل تۋرالى «Jetisy Media» الاڭىندا وتكەن ءباسپاسوز ءماسليحاتىندا وبلىستىق اۋىلشارۋاشىلىعى باسقارماسى باسشىسىنىڭ ورىنباسارى كويۋمچان وماروۆ مالىمدەدى.
ايماقتا، وسى ۋاقىتقا دەيىن، 135,1 مىڭ گا ماساقتى ءداندى داقىلدار، 3,4 مىڭ گا داندىك جۇگەرى، 8,3 مىڭ گا مايلى داقىلدار مەن 25,9 مىڭ گا كوپجىلدىق ءشوپ، 2,4 مىڭ گا كارتوپ، 4,3 مىڭ گا كوكەنىس، 0,4 مىڭ گا باقشا جانە 3,5 مىڭ گا قانت قىزىلشاسى ەگىلدى. سونىمەن قاتار 238,5 مىڭ توننا اۋىل شارۋاشىلىعى داقىلدارىنىڭ تۇقىمدارى تولىعىمەن سەبىلدى.
«وبلىستىڭ كوكتەمگى ەگىس جۇمىستارىنا 23 مىڭ توننا مينەرالدى تىڭايتقىش قاجەت. بۇگىندە 1975 شارۋاشىلىق سۋبەكتىلەرى بارلىعى 25,8 مىڭ توننا تىڭايتقىشتى الدى»،-دەپ ايتتى سپيكەر.
ايتا كەتەيىك، وڭىردەگى كوكتەمگى دالا جۇمىستارىنا اگرارلىق نەسيە كورپوراتسياسىنىڭ ەكى باعدارلاماسىنىڭ شەڭبەرىندە 74 شارۋاشىلىق 1 ملرد.440,3 ملن. تەڭگە قاراجات الدى. تاعى دا 1535,6 ملن. تەڭگە سوماسىنا 27 ءوتىنىم قاراستىرىلۋدا.
