Almaty oblysynda aýyl sharýashylyǵy daqyldarynyń kólemi 974,1 myń gektardy qurap otyr, ótken jylmen salystyrǵanda 1,3 myń gektarǵa ulǵaıǵan. Jalpy, Jetisý óńirinde kóktemgi – dala jumystary 16 naýryzda bastaldy. Bul týraly «Jetisy Media» alańynda ótken baspasóz máslıhatynda oblystyq aýylsharýashylyǵy basqarmasy basshysynyń orynbasary Koıýmchan Omarov málimdedi.
Aımaqta, osy ýaqytqa deıin, 135,1 myń ga masaqty dándi daqyldar, 3,4 myń ga dándik júgeri, 8,3 myń ga maıly daqyldar men 25,9 myń ga kópjyldyq shóp, 2,4 myń ga kartop, 4,3 myń ga kókenis, 0,4 myń ga baqsha jáne 3,5 myń ga qant qyzylshasy egildi. Sonymen qatar 238,5 myń tonna aýyl sharýashylyǵy daqyldarynyń tuqymdary tolyǵymen sebildi.
«Oblystyń kóktemgi egis jumystaryna 23 myń tonna mıneraldy tyńaıtqysh qajet. Búginde 1975 sharýashylyq sýbektileri barlyǵy 25,8 myń tonna tyńaıtqyshty aldy»,-dep aıtty spıker.
Aıta keteıik, óńirdegi kóktemgi dala jumystaryna Agrarlyq nesıe korporaııasynyń eki baǵdarlamasynyń sheńberinde 74 sharýashylyq 1 mlrd.440,3 mln. teńge qarajat aldy. Taǵy da 1535,6 mln. teńge somasyna 27 ótinim qarastyrylýda.
