قىزمەتىن توقتاتقان تاۋ-كەن كومپانيالارىنىڭ اراسىندا بولات نازارباەۆ، الەكساندر كلەبانوۆ، ەرلان نىعماتۋلينگە قاتىسى بار كومپانيالار بار، دەپ حابارلايدى "ادىرنا" ۇلتتىق پورتالى.
⠀
بۇل تۋرالى قارجى مونيتورينگى اگەنتتىگىنىڭ بۇگىن جاريالانعان ەسەبىندە ايتىلادى.
⠀
جۇرگىزىلگەن الدىن الۋ شارالارىنىڭ ناتيجەسىندە 55 كەن ءوندىرۋشى شارۋاشىلىق ءوز ەركىمەن جۇمىسىن توقتاتتى.
ولار جۇمىستى تولىعىمەن توقتاتىپ، تەحنيكانى بولشەكتەپ، ورنالاستىرۋ ورىندارىنان الىپ تاستادى.
⠀
مۇددەلى مەملەكەتتىك ورگاندارمەن بىرلەسە وتىرىپ، اتالعان تەحنيكانىڭ قايتالاما اينالىمعا تارتىلۋىنىڭ الدىن الۋ جۇمىستارى جۇرگىزىلۋدە.
⠀
جۇمىسىن توقتاتقان تاۋ-كەن كومپانيالارىنىڭ اراسىندا پاۆلودار وبلىسىنداعى بەلگىلى كاسىپكەرلەر بولات نازارباەۆ پەن الەكساندر كلەبانوۆقا قاراستى فيرمالار بار.
سونداي-اق، «QazaqGaz» ۇلتتىق كومپانياسى» اق باسقارماسىنىڭ اقتوبە وبلىسىنداعى ەكس-توراعاسى قايرات شارىپباەۆ پەن قاراعاندى وبلىسىنداعى بەلگىلى كاسىپكەرلەردىڭ ءبىرى ەرلان نىعماتۋلين.
وسىمەن قاتار 51 كەن ءوندىرۋشى شارۋاشىلىقتىڭ زاڭسىز ارەكەتى توقتاتىلدى. ولار ءوز قىزمەتىن باستاعانى تۋرالى ۋاكىلەتتى ورگانعا حابارلاماعان نەمەسە تەحنيكالىق شارتتارى جوق ەنەرگيا كوزدەرىنە زاڭسىز قوسىلعان، ارنايى ەكونوميكالىق ايماقتاردىڭ اۋماعىندا نەگىزسىز ورنالاستىرىلعان، سونداي-اق سالىقتار مەن كەدەندىك تولەمدەردى تولەۋدەن جالتارعان، دەپ حابارلايدى AFM.
"ادىرنا" ۇلتتىق پورتالى
