Almaty ákimi Erbolat Dosaevtyń senbilikte júrgen fotosy jurttyń talqysyna qaldy, dep habarlaıdy "Adyrna" ulttyq portaly.
Senbilikke shyqqan 60 myń adamǵa Almaty ákimi Erbolat Dosaev ta qosyldy. Aýlalar, saıabaqtar, skverler men sý qoımalarynyń jaǵalary tazartylyp, retke keltirilip, jasyl jelekter jetispeıtin jerlerge myńdaǵan jas aǵashtar otyrǵyzyldy.
Qoǵamdyq jumys kúni qala turǵyndary 11 myń tekshe metrge jýyq qoqys jınady, dep habarlaıdy qala ákimdiginiń baspasóz qyzmeti. Ony joıý úshin qalanyń kommýnaldyq sharýashylyǵy men kásiporyndarynyń 502 arnaıy tehnıkasy tartyldy. Sondaı-aq senbilik barysynda týrnıketter, oryndyqtar, qoqys jáshikteri syrlanyp, jańartyldy. Sonymen qatar, qalanyń abattandyrylǵan jerlerine aǵashtar otyrǵyzyldy.
Senbilikke Almaty qalasynyń ákimi Erbolat Dosaev, Jetisý oblysynyń ákimi Gúlnar Kókobaeva, jýrnalıst jáne qoǵam qaıratkeri Sergeı Ponomarev jáne basqa da birqatar tanymal almatylyqtar atsalysty.
"Adyrna" ulttyq portaly
