اقش قورعانىس مينيسترلىگىنىڭ Advanced Research Projects Agency (DARPA) مەن ەلدىڭ اسكەري-اۋە كۇشتەرى HAWC (Hypersonic Air- Breathing Weapon Concept) گيپەرسونيكالىق قاناتتى زىمىرانىن سىناقتان وتكىزدى. 5 ءساۋىر، سەيسەنبى كۇنى جاريالانعان مالىمەت بويىنشا DARPA ەسەبىندە ۇشۋ سىناقتارىنىڭ ناقتى كۇنى كورسەتىلمەگەن، تەك ولاردىڭ «جاقىندا» وتكەنى ايتىلعان، دەپ حابارلايدى "ادىرنا" ۇلتتىق پورتالى.
سونىمەن قاتار، CNN پەنتاگوننىڭ جوعارى لاۋازىمدى سۇحبات بەرۋشىسىنە سىلتەمە جاساي وتىرىپ، سىناقتار ناۋرىز ايىنىڭ ورتاسىندا، ياعني رەسەي ۋكرايناداعى سوعىس كەزىندە «كينجال» گيپەردىبىستىق زىمىرانىن قولدانعاننان بىرنەشە كۇن وتكەن سوڭ وتكەنىن حابارلايدى. الايدا، CNN حابارلاۋىنشا، بۇل اقپارات رەسەيمەن قارىم-قاتىناستا شيەلەنىس بولماس ءۇشىن تارالماعان.
DARPA مالىمەتتەرى بويىنشا، زىمىراننىڭ جىلدامدىعى دىبىس جىلدامدىعىنان بەس ەسە جوعارى بولدى جانە «ۇزاق ۋاقىت بويى» ساقتالدى. قۇرىلعى 65 000 فۋتتان (شامامەن 20 كيلومەتر) استام بيىكتىككە كوتەرىلىپ، 300 تەڭىز ميلىنەن (شامامەن 482 شاقىرىم) ۇشىپ ءوتتى.
اقش-تىڭ HAWC گيپەردىبىستىق زىمىرانىن ءبىرىنشى ۇشىرۋ 2021 جىلدىڭ قىركۇيەگىندە جۇزەگە اسىرىلدى. بۇعان دەيىن گيپەر دىبىستىق قارۋدىڭ باسقا تۇرلەرى دە سىناقتان وتكەن.
