AQSh Qorǵanys mınıstrliginiń Advanced Research Projects Agency (DARPA) men eldiń Áskerı-áýe kúshteri HAWC (Hypersonic Air- Breathing Weapon Concept) gıpersonıkalyq qanatty zymyranyn synaqtan ótkizdi. 5 sáýir, seısenbi kúni jarııalanǵan málimet boıynsha DARPA esebinde ushý synaqtarynyń naqty kúni kórsetilmegen, tek olardyń «jaqynda» ótkeni aıtylǵan, dep habarlaıdy "Adyrna" ulttyq portaly.
Sonymen qatar, CNN Pentagonnyń joǵary laýazymdy suhbat berýshisine silteme jasaı otyryp, synaqtar naýryz aıynyń ortasynda, ıaǵnı Reseı Ýkraınadaǵy soǵys kezinde «Kınjal» gıperdybystyq zymyranyn qoldanǵannan birneshe kún ótken soń ótkenin habarlaıdy. Alaıda, CNN habarlaýynsha, bul aqparat Reseımen qarym-qatynasta shıelenis bolmas úshin taralmaǵan.
DARPA málimetteri boıynsha, zymyrannyń jyldamdyǵy dybys jyldamdyǵynan bes ese joǵary boldy jáne «uzaq ýaqyt boıy» saqtaldy. Qurylǵy 65 000 fýttan (shamamen 20 kılometr) astam bıiktikke kóterilip, 300 teńiz mılinen (shamamen 482 shaqyrym) ushyp ótti.
AQSh-tyń HAWC gıperdybystyq zymyranyn birinshi ushyrý 2021 jyldyń qyrkúıeginde júzege asyryldy. Buǵan deıin gıper dybystyq qarýdyń basqa túrleri de synaqtan ótken.
