قايرات ساتىبالدىۇلىن تەرگەۋ ىسىنە قاتىستى جاڭا دەرەكتەر جاريالاندى، دەپ جازادى "ادىرنا" ۇلتتىق پورتالى.
"سىبايلاس جەمقورلىققا قارسى قىزمەت ق. ساتىبالدىۇلىنا، گ. ساتىبالدى جانە باسقا دا تۇلعالارعا قاتىستى تەرگەۋدى جالعاستىرۋدا. تەرگەۋ بارىسىندا ق.ساتىبالدىۇلىنىڭ باقىلاۋىنداعى كاسىپورىنداردىڭ – كىرمە تەمىرجول جەلىلەرى (سوڭعى شاقىرىم) يەلەرىنىڭ ۇرلىعىنىڭ قوسىمشا فاكتىلەرى انىقتالدى. اتالعان تۇلعالار مەملەكەتتىك ورگانداردىڭ لاۋازىمدى تۇلعالارىنىڭ كومەگىمەن ەلدىڭ قالا قۇراۋشى كاسىپورىندارىنا كىرمە جولداردىڭ قىزمەتتەرىنە ءتاريفتى نەگىزسىز كوتەرۋ ارقىلى كوپ ميللياردتىق پايدا تاپقان. بۇل ءوز كەزەگىندە ازاماتتار ءۇشىن تىرشىلىكتى قامتاماسىز ەتۋ قىزمەتتەرىنىڭ باعالارىنىڭ ارتۋىنا باعىتتالعان", - دەلىنگەن حابارلامادا.
ۆەدومستۆو مالىمەتىنشە، ق.ساتىبالدىۇلى باقىلاۋىنداعى ەكى كومپانيانىڭ باسشىلارى ۇستالىپ، سوت سانكتسياسىمەن قاماۋعا الىندى. كىنالىلىك تۋرالى قورىتىندى شەشىمدى سوت انىقتايدى. وزگە اقپارات تەرگەۋ مۇددەسىنە سايكەس جاريا ەتۋگە جاتپايدى.
"ادىرنا" ۇلتتىق پورتالى
