Qaırat Satybaldyulyn tergeý isine qatysty jańa derekter jarııalandy, dep jazady "Adyrna" ulttyq portaly.
"Sybaılas jemqorlyqqa qarsy qyzmet Q. Satybaldyulyna, G. Satybaldy jáne basqa da tulǵalarǵa qatysty tergeýdi jalǵastyrýda. Tergeý barysynda Q.Satybaldyulynyń baqylaýyndaǵy kásiporyndardyń – kirme temirjol jelileri (sońǵy shaqyrym) ıeleriniń urlyǵynyń qosymsha faktileri anyqtaldy. Atalǵan tulǵalar Memlekettik organdardyń laýazymdy tulǵalarynyń kómegimen eldiń qala quraýshy kásiporyndaryna kirme joldardyń qyzmetterine tarıfti negizsiz kóterý arqyly kóp mıllıardtyq paıda tapqan. Bul óz kezeginde azamattar úshin tirshilikti qamtamasyz etý qyzmetteriniń baǵalarynyń artýyna baǵyttalǵan", - delingen habarlamada.
Vedomstvo málimetinshe, Q.Satybaldyuly baqylaýyndaǵy eki kompanııanyń basshylary ustalyp, sot sankııasymen qamaýǵa alyndy. Kinálilik týraly qorytyndy sheshimdi sot anyqtaıdy. Ózge aqparat tergeý múddesine sáıkes jarııa etýge jatpaıdy.
"Adyrna" ulttyq portaly
