ەلورداعا ەرتە كەپ،
ەسىل قونعان كەنجە-اعا،
ەل-جۇرتىنا ەركەلەپ،
ەسىڭدى العان كەنجە-اعا!
ەلگە كوڭىل بۇرعاندا،
ەرەكشە نۇر قۇياسىڭ،
ەزۋ تارتىپ تۇرعاندا،
ەلۋگە ازەر قياسىڭ!
ەت قوسپايدى-اۋ ەتىنە،
ەشقاشان دا شىر جۇقپاي.
ەشكىم كەلمەس بەتىنە،
ەركىن ويلى مىرجىقباي!
ەردىڭ جاسى - الپىس توعىزدىڭ اۋلاسىنا اياڭداپ كەپ ات شالدىرىپ، التىن قازىق قاققانىڭىز قۇتتى بولسىن، كەنجەكە! ونەرىڭىز ورلەي، تالانتىڭىز تورلەي بەرسىن!
باۋىرجان ومارۇلى
