24 ناۋرىز «ادىلدىك جولى» رقب تۇركىستان وبلىستىق فيليالىنا ماقتاارال اۋدانىنىڭ ورتالىعى مىرزاكەنت تۇرعىندارىنىڭ توقتاۋسىز جاۋىن سالدارىنان جەر استى سۋلارىنىڭ كۇرت كوتەرىلىپ، تۇرعىن ۇيلەر مەن اۋلا، شارۋا قوجالىقتارىنا ەداۋىر زاقىم كەلگەنى جايىندا حابارلاسقان بولاتىن. تۇرعىنداردىڭ ايتۋى بويىنشا جەرگىلىكتى اتقارۋشى ورگاندار حالىقتىڭ شاعىمىنا قۇلاق اسپاعانىنا ارىزدانعان.
اۋماقتا جاڭبىر ءتورت كۇندە 65 مم ءتۇسىپ، ال جالپى 16 كۇندە 116,2 مم كولەمىندە جاۋعان. بۇل ايلىق نورمادان (نورما- 51 مم) 2 ەسەگە ارتىق ءتۇسىپ جانە ەگىستىك جەرلەردە سور شايۋ جۇمىستارىمەن سايكەس كەلۋىنە بايلانىستى جەتىساي جانە ماقتاارال اۋداندارىنىڭ كوشەلەرى مەن تۇرعىن ءۇي اۋلا اۋماقتارىن سۋ باسقان.
اتالمىش جاعدايعا بايلانىستى «ادىلدىك جولى» رقب تۇركىستان وبلىستىق فيليالى توتەنشە جاعدايلار دەپارتامەنتىنە حابارلاسىپ، جاعدايمەن تانىسىپ، تۇرعىندارعا كومەك جۇمىستارىن ۇيىمداستىرۋدى وتىنگەن بولاتىن.
جاعدايدىڭ كۇردەلەنۋىنە بايلانىستى دەپارتامەنتتىڭ باسشىلىق قۇرامى جانە وبلىستىق باسقا قالا، اۋدارىنان قوسىمشا كۇشتەر مەن قۇرالدار تارتىلدى. سۋدى سورۋعا بارلىعى 337 ادام، 131 موتوپومپا جانە 37 بىرلىك تەحنيكا جۇمىلدىرىلدى (تجد 82 ادام، 49 موتوپومپا، 12 تەحنيكا، جاو 255 ادام، 82 موتوپومپا، 25 بىرلىك تەحنيكا).
سۋ سورۋ جۇمىستارى باستالعالى بەرى 822 ءۇيدىڭ اۋلا اۋماعىنان 220 136 تەكشە مەتر سۋ سورىلدى جانە جۇمىستار ءالى دە جالعاسۋدا.
"ادىرنا" ۇلتتىق پورتالى
