مۇرات ايتەنوۆ سپورت مەكتەبىنىڭ قۇرىلىسىمەن تانىستى

1889
Adyrna.kz Telegram

شىمكەنت قالاسىنىڭ اكىمى مۇرات ايتەنوۆ سايرام تۇرعىن الابىندا ورنالاسقان №12 سپورت مەكتەبىنىڭ قوسىمشا عيمارات قۇرىلىسىمەن تانىستى.

ىرگەتاسى 1984 جىلى قالانعان ارنايى مەكتەپتە قازىر 800-دەن اسا سپورتشى شىنىعادى. مۇندا سپورتتىڭ ۆولەيبول، بوكس، ەركىن كۇرەس، دزيۋدو كۇرەسى، ۇستەل تەننيسى، باسكەتبول، تاەكۆوندو جانە پاۋەرليفتينگ ءتۇرى دامىتىلۋدا.

قوسىمشا عيماراتتىڭ قۇرىلىس-مونتاج جۇمىسى 2020 جىلى باستالىپ، 2022 جىلدىڭ سوڭىنا قاراي پايدالانۋعا بەرۋ جوسپارلانىپ وتىر.

قۇرىلىستىڭ جالپى اۋدانى 2557,10 شارشى مەتر. سپورت زالى 210 بالاعا لايىقتالىپ، بوكس، كۇرەس زالدارى جانە باسكەتبول، بولەيبول جانە گاندبول الاڭشالارى قارالعان. سونىمەن بىرگە، 18 ادامعا ارنالعان اسحانا مەن جۋىنۋ بولمەسى بار.

نىساندى ارالاپ كورگەن م.ايتەنوۆ نىساننىڭ ساپاسىنا كوڭىل ءبولۋدى جانە ءوز ۋاقىتىندا پايدالانۋعا بەرۋدى تاپسىردى.

–بولاشاق جاستار قولىندا. ولاردىڭ بوس ۋاقىتىن ءتيىمدى پايدالانۋى جانە سپورتپەن شۇعىلدانۋىنا بارلىق جاعدايدى جاساۋىمىز كەرەك. سپورتپەن اينالىسقان جاس شىنىققان شىمىر بولىپ وسەدى. سوندىقتان سپورت بارلىق جاسقا قولجەتىمدى بولۋى ءتيىس،-دەدى قالا اكىمى.

 

پىكىرلەر