Shymkent qalasynyń ákimi Murat Áıtenov Saıram turǵyn alabynda ornalasqan №12 sport mektebiniń qosymsha ǵımarat qurylysymen tanysty.
Irgetasy 1984 jyly qalanǵan arnaıy mektepte qazir 800-den asa sportshy shynyǵady. Munda sporttyń voleıbol, boks, erkin kúres, dzıýdo kúresi, ústel tennısi, basketbol, taekvondo jáne paýerlıftıng túri damytylýda.
Qosymsha ǵımarattyń qurylys-montaj jumysy 2020 jyly bastalyp, 2022 jyldyń sońyna qaraı paıdalanýǵa berý josparlanyp otyr.
Qurylystyń jalpy aýdany 2557,10 sharshy metr. Sport zaly 210 balaǵa laıyqtalyp, boks, kúres zaldary jáne basketbol, boleıbol jáne gandbol alańshalary qaralǵan. Sonymen birge, 18 adamǵa arnalǵan ashana men jýyný bólmesi bar.
Nysandy aralap kórgen M.Áıtenov nysannyń sapasyna kóńil bólýdi jáne óz ýaqytynda paıdalanýǵa berýdi tapsyrdy.
–Bolashaq jastar qolynda. Olardyń bos ýaqytyn tıimdi paıdalanýy jáne sportpen shuǵyldanýyna barlyq jaǵdaıdy jasaýymyz kerek. Sportpen aınalysqan jas shynyqqan shymyr bolyp ósedi. Sondyqtan sport barlyq jasqa qoljetimdi bolýy tıis,-dedi qala ákimi.
