نۇر-سۇلتاندا سوتتالۋشى ۇجىمىنىڭ قاتىسۋىمەن سىبايلاس جەمقورلىق قۇقىق بۇزۋشىلىق فاكتىسى بويىنشا ۇكىم جاريا ەتىلدى، دەپ حابارلايدى "ادىرنا" ۇلتتىق پورتالى "Ulysmedia.kz"-كە سىلتەمە جاساپ.
نۇر-سۇلتان قالاسى الماتى اۋدانىنىڭ №2 اۋداندىق سوتى سانيتارلىق-ەپيدەميولوگيالىق باقىلاۋ كوميتەتىنىڭ نۇر-سۇلتان قالاسى «ۇلتتىق ساراپتاما ورتالىعى» شجق رمك فيليالىنىڭ قىزمەتكەرىنە ۇكىم شىعاردى. ول 8 جىلعا باس بوستاندىعىنان ايىرىلدى.«ول نۇر-سۇلتان قالاسىنىڭ كاسىپكەرلىك سۋبەكتىلەرىنەن قوعامدىق تاماقتانۋ سالاسىندا اقشا قاراجاتىن الۋ فاكتىسى بويىنشا، پاندەميا كەزەڭىندە اكىمشىلىك جاۋاپكەرشىلىكتەن جالتارعانى ءۇشىن كىنالى دەپ تانىلدى. ۇكىمدى جاريالاۋ سوتتالۋشى ۇجىمىنىڭ، سونداي-اق دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتى قىزمەتكەرلەرىنىڭ قاتىسۋىمەن بەينەكونفەرەنتسبايلانىس ارقىلى ءوتتى»، - دەپ حابارلايدى سىبايلاس جەمقورلىققا قارسى ءىس-قيمىل اگەنتتىگى. 2021 جىلدان باستاپ الدىن الۋ شاراسى رەتىندە قىزمەتكەرلەرى سىبايلاس جەمقورلىق قۇقىق بۇزۋشىلىقتارىن جاسادى دەپ ايىپتالعان مەملەكەتتىك قىزمەتكەرلەر ۇجىمدارىنىڭ سوت وتىرىستارىنا قاتىسۋ پراكتيكاسى ەنگىزىلدى.
"ادىرنا" ۇلتتىق پورتالى
ۇقساس جاڭالىقتار
