Nur-Sultanda sottalýshy ujymynyń qatysýymen sybaılas jemqorlyq quqyq buzýshylyq faktisi boıynsha úkim jarııa etildi, dep habarlaıdy "Adyrna" ulttyq portaly "Ulysmedia.kz"-ke silteme jasap.
Nur-Sultan qalasy Almaty aýdanynyń №2 aýdandyq soty Sanıtarlyq-epıdemıologııalyq baqylaý komıtetiniń Nur-Sultan qalasy «Ulttyq saraptama ortalyǵy» ShJQ RMK fılıalynyń qyzmetkerine úkim shyǵardy. Ol 8 jylǵa bas bostandyǵynan aıyryldy.
«Ol Nur-Sultan qalasynyń kásipkerlik sýbektilerinen qoǵamdyq tamaqtaný salasynda aqsha qarajatyn alý faktisi boıynsha, pandemııa kezeńinde ákimshilik jaýapkershilikten jaltarǵany úshin kináli dep tanyldy. Úkimdi jarııalaý sottalýshy ujymynyń, sondaı-aq Densaýlyq saqtaý mınıstrligi Sanıtarlyq-epıdemıologııalyq baqylaý komıteti qyzmetkerleriniń qatysýymen beınekonferenbaılanys arqyly ótti», - dep habarlaıdy Sybaılas jemqorlyqqa qarsy is-qımyl agenttigi.
2021 jyldan bastap aldyn alý sharasy retinde qyzmetkerleri sybaılas jemqorlyq quqyq buzýshylyqtaryn jasady dep aıyptalǵan memlekettik qyzmetkerler ujymdarynyń sot otyrystaryna qatysý praktıkasy engizildi.
"Adyrna" ulttyq portaly
