بۇعان دەيىن سوت باقىتگۇل حامەنوۆانى بالا 14 جاسقا تولعانعا دەيىن شارتتى تۇردە باس بوستاندىعىنان ايىرۋ جازاسىنا كەسىپ، سوت زالىندا قاماۋدان بوساتقان بولاتىن. اتىراۋ وبلىسى اكىمىنىڭ بۇرىنعى ورىنباسارى الدىن الا كەلىسىم بويىنشا ءبىر توپ ادامنان پارا الدى دەگەن ايىپ تاعىلدى.
سوت القاسى بۇرىنعى ءماجىلىس دەپۋتاتىنا قاتىستى ۇكىمدى وزگەرىسسىز قالدىردى، ونىڭ جازاسىن جەڭىلدەتۋگە قاتىستى نەگىزدى قاراستىرمادى.
الايدا، وسى ءىس بويىنشا ايىپ ارقالاعانداردىڭ ىشىندە "باعى جانعاندار" دا بار. ءدال وسى ءىس بويىنشا كىنالى دەپ تانىلعان وبلىستىق مادەنيەت باسقارماسىنىڭ بۇرىنعى باسشىسى اقىلبەك رىسقاليەۆ جەتى جىلدان ەكى جىلعا دەيىن، ال «بالقىتۋ» جشس ديرەكتورى ءومىرتاي اداموۆ ءتورت جىلدان 1,6 جىلعا دەيىن باس بوستاندىعىنان ايىرىلدى.
بارلىق سوتتالعاندار ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىرىلادى. زاڭگەر يگور ۆرانچەۆ اپەللياتسيالىق القانىڭ شەشىمىنە شاعىم جاسالاتىنىن ايتتى.
داۋدىڭ باستاۋىنا ۇڭىلە كەتەيىك، 2021 جىلدىڭ جەلتوقسانىندا اتىراۋ وبلىسى اكىمىنىڭ ورىنباسارى قىزمەتىن اتقارعان باقىتگۇل حامەنوۆا جانە توڭىرەگىندەگى بىرنەشە قىزمەتكەن ۇلى اباي ەسكەرتكىشىن ورناتۋعا بولىنگەن قاراجاتقا قول سالدى دەگەن كۇدىكپەن ۇستالعان بولاتىن.
"ادىرنا" ۇلتتىق پورتالى
