قازاقستاندا جاڭا سۋ كودەكسى ازىرلەنۋدە. بۇل تۋرالى قاسىم-جومارت توقاەۆ قازاقستان مەن رەسەيدىڭ XIX وڭىرارالىق ىنتىماقتاستىق فورۋمىنىڭ پلەنارلىق وتىرىسىندا ايتتى، دەپ حابارلايدى “ادىرنا” ۇلتتىق پورتالى.
«ءبىز سۋ سەكتورىن جاڭعىرتۋعا كىرىستىك. جاڭادان 20 سۋ قويماسىن سالىپ، كەم دەگەندە 15 سۋ قويماسىن رەكونسترۋكتسيالاۋ، سونداي-اق 3500 شاقىرىمنان استام كانالدى جاڭعىرتۋ جانە تسيفرلاندىرۋ جوسپارلانىپ وتىر. بۇل شارالار 2027 جىلعا قاراي قوسىمشا 2 تەكشە كيلومەترگە جۋىق سۋمەن قامتاماسىز ەتۋگە مۇمكىندىك بەرەدى.
قازاقستاندا جاڭا سۋ كودەكسى ازىرلەنۋدە. بۇل قۇجات سۋ رەسۋرستارىنىڭ تاپشىلىعىن ازايتۋعا باعىتتالعان. رەسەيمەن بىرگە جايىق، ەرتىس سەكىلدى ءىرى وزەندەردىڭ باسسەيىندەرىندە زەرتتەۋ جۇرگىزۋ جونىندەگى ىنتىماقتاستىقتى جانداندىرۋ ءۇشىن بىرىڭعاي جول كارتاسى جۇزەگە اسىرىلىپ جاتىر. مۇنداي كۇردەلى پروبلەمانى شەشۋگە ءبىر عانا ەلدىڭ كۇش-جىگەرى جەتپەيدى. بۇل ماسەلەنى مۇددەلەر تەڭگەرىمىن ساقتاپ، بىرلەسە ارەكەت ەتۋ ارقىلى شەشۋ قاجەت»، - دەدى ق.توقاەۆ.
