تالىپتەر مەملەكەتتىك قىزمەتكەرلەرگە ساقال ءوسىرۋدى مىندەتتەدى

2076
Adyrna.kz Telegram
فوتو: rus.azathabar.com
فوتو: rus.azathabar.com

اۋعانستانداعى بيلىكتى قولىنا العان «تاليبان» قوزعالىسى جەرگىلىكتى مەملەكەتتىك قىزمەتكەرلەردى جاڭا درەسس-كودتى ساقتاۋعا جانە ساقال وسىرۋگە مىندەتتەدى. تالاپتى ورىنداماعان شەنەۋنىك جۇمىستان شىعارىلادى دەپ حابارلادى ”ادىرنا”ۇلتتىق پورتالى Reuters-كە سىلتەمە جاساپ.

جاڭا ەرەجەلەرگە سايكەس، اۋعانستانداعى شەنەۋنىكتەر ساقال ءوسىرىپ، كيىم كيۋ نورمالارىنا قاتاڭ سايكەس كەلۋى كەرەك: تيۋربان نەمەسە شلياپا، ۇزىن كويلەك پەن كەڭ شالبار كيۋ.

باسىلىمنىڭ مالىمەتىنشە، وتكەن دۇيسەنبىدە تالىپتەر مەملەكەتتىك ورگاندار عيماراتتارىندا كەزەكشىلىك ەتىپ، شەنەۋنىكتەر كيىمىنىڭ نورماعا سايكەستىگىن تەكسەرگەن. سونىمەن قاتار، بارلىق مەملەكەتتىك قىزمەتكەرلەر ۋاقىتىندا قۇلشىلىق جاساۋى كەرەك، مۇنى دا تالىپتەر مۇقيات تەكسەرەدى.

ايتا كەتەيىك، «تاليبان» قوزعالىسى اۋعانستان بيلىگىن ءوز قولىنا بىلتىر تامىز ايىندا العان بولاتىن.

ادىرنا” ۇلتتىق  پورتالى

پىكىرلەر