Aýǵanstandaǵy bılikti qolyna alǵan «Talıban» qozǵalysy jergilikti memlekettik qyzmetkerlerdi jańa dress-kodty saqtaýǵa jáne saqal ósirýge mindettedi. Talapty oryndamaǵan sheneýnik jumystan shyǵarylady dep habarlady ”Adyrna”ulttyq portaly Reuters-ke silteme jasap.
Jańa erejelerge sáıkes, Aýǵanstandaǵy sheneýnikter saqal ósirip, kıim kııý normalaryna qatań sáıkes kelýi kerek: tıýrban nemese shlıapa, uzyn kóılek pen keń shalbar kııý.
Basylymnyń málimetinshe, ótken dúısenbide tálipter memlekettik organdar ǵımarattarynda kezekshilik etip, sheneýnikter kıiminiń normaǵa sáıkestigin teksergen. Sonymen qatar, barlyq memlekettik qyzmetkerler ýaqytynda qulshylyq jasaýy kerek, muny da tálipter muqııat tekseredi.
Aıta keteıik, «Talıban» qozǵalysy Aýǵanstan bıligin óz qolyna byltyr tamyz aıynda alǵan bolatyn.
”Adyrna” ulttyq portaly
