ۇندەۋ
«پروكۋراتۋرا تۋرالى» زاڭىنىڭ 31-بابىنىڭ تارتىبىمەن
قۇرمەتتى ازاماتتار!
سوڭعى ۋاقىتتا ەلىمىزدىڭ بىرقاتار وڭىرلەردىڭ كاسىپورىندارداعى ەڭبەك داۋلارى جيىلەپ كەتتى.
كوبىنەسە ولار ستيحيالىق ەرەۋىلدەرگە كوشەدى.
الەۋمەتتىك-ەكونوميكالىق جانە كاسىپتىك تالاپتاردى قاناعاتتاندىرۋ ماقساتىندا قىزمەتكەرلەر ەرەۋىل جاريالاۋعا قۇقىلى.
الايدا، بۇل ءۇشىن تاتۋلاستىرۋ راسىمدەرىنىڭ كەزەڭدەرىنەن ءوتۋ كەرەك، ايتپەسە ەرەۋىل زاڭسىز دەپ تانىلادى.
وسىعان بايلانىستى، ۇجىمدىق ەڭبەك داۋلارىن قاراۋ ءتارتىبى 2015 جىلعى 23 قاراشادا قابىلدانعان ەڭبەك كودەكسىمەن (بۇدان ءارى – كودەكس) رەتتەلەتىنىن تۇسىندىرەمىز.
وسىلايشا، جۇمىس بەرۋشى ءۇش جۇمىس كۇنى ىشىندە قىزمەتكەرلەردىڭ قويعان تالاپتارىن قاراۋعا جانە ولاردى شەشۋ ءۇشىن شارالار قابىلداۋعا مىندەتتى.
ولاردى شەشۋ مۇمكىن بولماعان كەزدە ءوز شەشىمدەرى مەن ۇسىنىستارىن (جازباشا تۇردە) قىزمەتكەرلەرگە جەتكىزۋ (كودەكستىڭ 163-بابىنىڭ 2-بولىگى).
بۇدان ءارى داۋ تاتۋلاستىرۋ كوميسسياسىندا(جەتى جۇمىس كۇنىنە دەيىنگى مەرزىمدە) شەشىلۋگە ءتيىس.
بۇل تەپە-تەڭدىك نەگىزدە تاراپتاردىڭ بىرلەسكەن شەشىمىمەن قۇرىلعان ورگان.
تاتۋلاستىرۋ كوميسسياسى داۋدى شەشۋ پروتسەسىندە قىزمەتكەرلەرمەن، جۇمىس بەرۋشىمەن جانە باسقا دا ادامدارمەن كونسۋلتاتسيا جۇرگىزەدى.
كوميسسيانىڭ شەشىمى تاراپتاردىڭ كەلىسىمى نەگىزىندە قابىلدانادى، حاتتامامەن رەسىمدەلەدى جانە تاراپتار ءۇشىن مىندەتتى كۇشى بولادى.
تاتۋلاستىرۋ كوميسسياسىنىڭ مۇشەلەرى كەلىسسوزدەرگە قاتىسقان ۋاقىتتا جالاقىسى ساقتالا وتىرىپ، جۇمىستان بوساتىلادى.
بۇل رەتتە تاراپتاردىڭ ەشقايسىسى تاتۋلاستىرۋ راسىمدەرىنە قاتىسۋدان جالتارۋعا قۇقىلى ەمەس ەكەنىن اتاپ وتەمىز.
تاتۋلاستىرۋ كوميسسياسىندا كەلىسىمگە قول جەتكىزىلمەگەن كەزدە ونىڭ جۇمىسى توقتاتىلادى، ال تاراپتار داۋدى شەشۋ ءۇشىن اكىمدىك وكىلدەرىن (مەملەكەتتىك ەڭبەك ينسپەكتورىن) تارتا وتىرىپ، ەڭبەك تورەلىگىن قۇرادى (كودەكستىڭ 165-بابىنىڭ 6-بولىگى).
ەڭبەك تورەلىگى مۇشەلەرىنىڭ سانى، ونىڭ قۇرامى جانە ەڭبەك داۋىن قاراۋ ءتارتىبى تەپە-تەڭدىك نەگىزدە تاراپتاردىڭ كەلىسىمىمەن ايقىندالادى (بۇل رەتتە ەڭبەك تورەلىگى كەمىندە بەس ادام بولۋعا ءتيىس).
تاتۋلاستىرۋ كوميسسياسىنىڭ مۇشەلەرى جۇمىسكەرلەردىڭ قارالىپ وتىرعان تالاپتارى بويىنشا ەڭبەك تورەلىگىنىڭ قۇرامىنا كىرە المايدى.
ەڭبەك تورەلىگىنىڭ شەشىمى جەتى جۇمىس كۇنىنەنكەشىكتىرىلمەي تورەلىك مۇشەلەرىنىڭ قاراپايىم كوپشىلىك داۋسىمەن قابىلدانادى جانە ورىنداۋ ءۇشىن مىندەتتى بولىپ تابىلادى.
تورەلىك رەتتەمەگەن ماسەلەلەر بويىنشا سوتتارعا جۇگىنۋ قاجەت.
بۇل رەتتە جۇمىس بەرۋشىنىڭ نەمەسە پروكۋروردىڭ ءوتىنىشى بويىنشا ءتيىستى ءراسىمدى ساقتاماي ەرەۋىل وتكىزۋ تەك سوتپەن زاڭسىز دەپ تانىلۋى مۇمكىن.
بۇل جاعدايدا سوت زاڭسىز دەپ تانىعان ەرەۋىلگە قاتىسۋدى جالعاستىرۋعا ماجبۇرلەگەنى جانە شاقىرعانى ءۇشىن 3 جىلعا دەيىنگى مەرزىمگە باس بوستاندىعىنان ايىرۋمەن قىلمىستىق جاۋاپكەرشىلىك كوزدەلگەن (قك-ءنىڭ 157 جانە 402-باپتارى).
ازاماتتاردى قولدانىستاعى زاڭناما نورمالارىن مۇلتىكسىز ساقتاۋعا، ارانداتۋشىلىققا بوي الدىرماۋعا جانە زاڭسىز ەرەۋىلدەرگە قاتىسپاۋعا شاقىرامىز.
قۇقىق قورعاۋ ورگاندارى بەلگىلەنگەن تارتىپكە، قوعامدىق قاۋىپسىزدىككە قول سۇعاتىن كەز كەلگەن قۇقىق بۇزۋشىلىقتىڭ جولىن كەسەدى، سونداي-اق ولارعا جول بەرمەۋ جونىندە زاڭدا كوزدەلگەن شارالاردى قولدانادى.
شىمكەنت قالاسىنىڭ
پروكۋرورى ع.ق. مۇقانوۆ
