ÚNDEÝ
«Prokýratýra týraly» Zańynyń 31-babynyń tártibimen
QURMETTI AZAMATTAR!
Sońǵy ýaqytta elimizdiń birqatar óńirlerdiń kásiporyndardaǵy eńbek daýlary jıilep ketti.
Kóbinese olar stıhııalyq ereýilderge kóshedi.
Áleýmettik-ekonomıkalyq jáne kásiptik talaptardy qanaǵattandyrý maqsatynda qyzmetkerler ereýil jarııalaýǵa quqyly.
Alaıda, bul úshin tatýlastyrý rásimderiniń kezeńderinen ótý kerek, áıtpese ereýil zańsyz dep tanylady.
Osyǵan baılanysty, ujymdyq eńbek daýlaryn qaraý tártibi 2015 jylǵy 23 qarashada qabyldanǵan Eńbek kodeksimen (budan ári – Kodeks) retteletinin túsindiremiz.
Osylaısha, jumys berýshi úsh jumys kúni ishinde qyzmetkerlerdiń qoıǵan talaptaryn qaraýǵa jáne olardy sheshý úshin sharalar qabyldaýǵa mindetti.
Olardy sheshý múmkin bolmaǵan kezde óz sheshimderi men usynystaryn (jazbasha túrde) qyzmetkerlerge jetkizý (kodekstiń 163-babynyń 2-bóligi).
Budan ári daý tatýlastyrý komıssııasynda(jeti jumys kúnine deıingi merzimde) sheshilýge tıis.
Bul tepe-teńdik negizde taraptardyń birlesken sheshimimen qurylǵan organ.
Tatýlastyrý komıssııasy daýdy sheshý proesinde qyzmetkerlermen, jumys berýshimen jáne basqa da adamdarmen konsýltaııa júrgizedi.
Komıssııanyń sheshimi taraptardyń kelisimi negizinde qabyldanady, hattamamen resimdeledi jáne taraptar úshin mindetti kúshi bolady.
Tatýlastyrý komıssııasynyń músheleri kelissózderge qatysqan ýaqytta jalaqysy saqtala otyryp, jumystan bosatylady.
Bul rette Taraptardyń eshqaısysy tatýlastyrý rásimderine qatysýdan jaltarýǵa quqyly emes ekenin atap ótemiz.
Tatýlastyrý komıssııasynda kelisimge qol jetkizilmegen kezde onyń jumysy toqtatylady, al taraptar daýdy sheshý úshin ákimdik ókilderin (memlekettik eńbek ınspektoryn) tarta otyryp, eńbek tóreligin qurady (Kodekstiń 165-babynyń 6-bóligi).
Eńbek tóreligi músheleriniń sany, onyń quramy jáne eńbek daýyn qaraý tártibi tepe-teńdik negizde taraptardyń kelisimimen aıqyndalady (bul rette eńbek tóreligi keminde bes adam bolýǵa tıis).
Tatýlastyrý komıssııasynyń músheleri jumyskerlerdiń qaralyp otyrǵan talaptary boıynsha eńbek tóreliginiń quramyna kire almaıdy.
Eńbek tóreliginiń sheshimi jeti jumys kúninenkeshiktirilmeı tórelik músheleriniń qarapaıym kópshilik daýsymen qabyldanady jáne oryndaý úshin mindetti bolyp tabylady.
Tórelik rettemegen máseleler boıynsha sottarǵa júginý qajet.
Bul rette jumys berýshiniń nemese prokýrordyń ótinishi boıynsha tıisti rásimdi saqtamaı ereýil ótkizý tek sotpen zańsyz dep tanylýy múmkin.
Bul jaǵdaıda sot zańsyz dep tanyǵan ereýilge qatysýdy jalǵastyrýǵa májbúrlegeni jáne shaqyrǵany úshin 3 jylǵa deıingi merzimge bas bostandyǵynan aıyrýmen qylmystyq jaýapkershilik kózdelgen (QK-niń 157 jáne 402-baptary).
Azamattardy qoldanystaǵy zańnama normalaryn múltiksiz saqtaýǵa, arandatýshylyqqa boı aldyrmaýǵa jáne zańsyz ereýilderge qatyspaýǵa shaqyramyz.
Quqyq qorǵaý organdary belgilengen tártipke, qoǵamdyq qaýipsizdikke qol suǵatyn kez kelgen quqyq buzýshylyqtyń jolyn kesedi, sondaı-aq olarǵa jol bermeý jóninde zańda kózdelgen sharalardy qoldanady.
Shymkent qalasynyń
prokýrory Ǵ.Q. Muqanov
