ÜNDEU
«Prokuratura turaly» Zaŋynyŋ 31-babynyŋ tärtıbımen
QŪRMETTI AZAMATTAR!
Soŋǧy uaqytta elımızdıŋ bırqatar öŋırlerdıŋ käsıporyndardaǧy eŋbek daulary jiılep kettı.
Köbınese olar stihiialyq ereuılderge köşedı.
Äleumettık-ekonomikalyq jäne käsıptık talaptardy qanaǧattandyru maqsatynda qyzmetkerler ereuıl jariialauǧa qūqyly.
Alaida, būl üşın tatulastyru räsımderınıŋ kezeŋderınen ötu kerek, äitpese ereuıl zaŋsyz dep tanylady.
Osyǧan bailanysty, ūjymdyq eŋbek daularyn qarau tärtıbı 2015 jylǧy 23 qaraşada qabyldanǧan Eŋbek kodeksımen (būdan ärı – Kodeks) retteletının tüsındıremız.
Osylaişa, jūmys beruşı üş jūmys künı ışınde qyzmetkerlerdıŋ qoiǧan talaptaryn qarauǧa jäne olardy şeşu üşın şaralar qabyldauǧa mındettı.
Olardy şeşu mümkın bolmaǧan kezde öz şeşımderı men ūsynystaryn (jazbaşa türde) qyzmetkerlerge jetkızu (kodekstıŋ 163-babynyŋ 2-bölıgı).
Būdan ärı dau tatulastyru komissiiasynda(jetı jūmys künıne deiıngı merzımde) şeşıluge tiıs.
Būl tepe-teŋdık negızde taraptardyŋ bırlesken şeşımımen qūrylǧan organ.
Tatulastyru komissiiasy daudy şeşu prosesınde qyzmetkerlermen, jūmys beruşımen jäne basqa da adamdarmen konsultasiia jürgızedı.
Komissiianyŋ şeşımı taraptardyŋ kelısımı negızınde qabyldanady, hattamamen resımdeledı jäne taraptar üşın mındettı küşı bolady.
Tatulastyru komissiiasynyŋ müşelerı kelıssözderge qatysqan uaqytta jalaqysy saqtala otyryp, jūmystan bosatylady.
Būl rette Taraptardyŋ eşqaisysy tatulastyru räsımderıne qatysudan jaltaruǧa qūqyly emes ekenın atap ötemız.
Tatulastyru komissiiasynda kelısımge qol jetkızılmegen kezde onyŋ jūmysy toqtatylady, al taraptar daudy şeşu üşın äkımdık ökılderın (memlekettık eŋbek inspektoryn) tarta otyryp, eŋbek törelıgın qūrady (Kodekstıŋ 165-babynyŋ 6-bölıgı).
Eŋbek törelıgı müşelerınıŋ sany, onyŋ qūramy jäne eŋbek dauyn qarau tärtıbı tepe-teŋdık negızde taraptardyŋ kelısımımen aiqyndalady (būl rette eŋbek törelıgı kemınde bes adam boluǧa tiıs).
Tatulastyru komissiiasynyŋ müşelerı jūmyskerlerdıŋ qaralyp otyrǧan talaptary boiynşa eŋbek törelıgınıŋ qūramyna kıre almaidy.
Eŋbek törelıgınıŋ şeşımı jetı jūmys künınenkeşıktırılmei törelık müşelerınıŋ qarapaiym köpşılık dausymen qabyldanady jäne oryndau üşın mındettı bolyp tabylady.
Törelık rettemegen mäseleler boiynşa sottarǧa jügınu qajet.
Būl rette jūmys beruşınıŋ nemese prokurordyŋ ötınışı boiynşa tiıstı räsımdı saqtamai ereuıl ötkızu tek sotpen zaŋsyz dep tanyluy mümkın.
Būl jaǧdaida sot zaŋsyz dep tanyǧan ereuılge qatysudy jalǧastyruǧa mäjbürlegenı jäne şaqyrǧany üşın 3 jylǧa deiıngı merzımge bas bostandyǧynan aiyrumen qylmystyq jauapkerşılık közdelgen (QK-nıŋ 157 jäne 402-baptary).
Azamattardy qoldanystaǧy zaŋnama normalaryn mültıksız saqtauǧa, arandatuşylyqqa boi aldyrmauǧa jäne zaŋsyz ereuılderge qatyspauǧa şaqyramyz.
Qūqyq qorǧau organdary belgılengen tärtıpke, qoǧamdyq qauıpsızdıkke qol sūǧatyn kez kelgen qūqyq būzuşylyqtyŋ jolyn kesedı, sondai-aq olarǧa jol bermeu jönınde zaŋda közdelgen şaralardy qoldanady.
Şymkent qalasynyŋ prokurory Ǧ.Q. Mūqanov
Ūqsas jaŋalyqtar
